Rakesh Jhunjhunwala: शेअर बाजारातील (stock market) बिग बुल राकेश झुनझुनवाला यांचे वयाच्या 62 व्या वर्षी निधन (Death of Rakesh Jhunjhunwala) झाले. मुंबईतील ब्रीच कँडी रुग्णालयात त्यांनी अखेरचा श्वास घेतला. त्यांना 2-3 आठवड्यांपूर्वी रुग्णालयातून डिस्चार्ज मिळाला होता.
ब्रीच कँडी हॉस्पिटलने (Breach Candy Hospital) ज्येष्ठ व्यापारी झुनझुनवाला यांच्या मृत्यूची पुष्टी केली आहे. आज सकाळी 6.45 वाजता त्यांना रुग्णालयात आणण्यात आले.
राकेश झुनझुनवाला हे भारताचे वॉरेन बफे (Warren Buffett) म्हणूनही ओळखले जातात. शेअर बाजारातून पैसे कमावल्यानंतर बिग बुलने (big bull) एअरलाइन क्षेत्रातही प्रवेश केला होता.
त्यांनी Akasa Air या नवीन विमान कंपनीत मोठी गुंतवणूक केली होती आणि 7 ऑगस्टपासून कंपनीने काम सुरू केले आहे. शेअर बाजारात गुंतवणूक करणाऱ्या झुनझुनवाला यांच्याकडे आज हजारो कोटींची संपत्ती आहे. गंमत म्हणजे एवढी संपत्ती असलेल्या व्यक्तीचा प्रवास केवळ 5 हजार रुपयांपासून सुरू झाला.
आकासाचे पहिले व्यावसायिक विमान मुंबईहून अहमदाबादला निघाले. आकासा एअरच्या (Akasa Air) पहिल्या फ्लाइटच्या उद्घाटन समारंभात विमान वाहतूक मंत्री ज्योतिरादित्य सिंधिया दिसले.
त्यांनी आकासाच्या पहिल्या व्यावसायिक उड्डाणाला हिरवा झेंडा दाखवला. त्यांच्यासोबत केंद्रीय राज्यमंत्री व्ही.के.सिंगही उपस्थित होते. आकासा एअरने 13 ऑगस्टपासून अनेक मार्गांवर आपली सेवा सुरू केली आहे.
