Smartphone Charging: स्मार्टफोन चार्ज (Smartphone charging) होण्यासाठी किती वेळ लागेल? असे अनेक फोन बाजारात आले आहेत, जे 5 मिनिटांच्या चार्जवर 5 तास वापरता येतात. हे हँडसेट पूर्णपणे चार्ज होण्यासाठी अर्धा तास लागतो. त्याच वेळी अशा काही तंत्रज्ञानावर काम सुरू आहे, जे फक्त एका सेकंदात तुमचा फोन पूर्णपणे चार्ज करू शकते.
ओप्पोच्या चार्जिंग टेक्नॉलॉजी हेडच्या (Oppo Charging Technology Head) मते, भविष्यात आपले स्मार्टफोन फक्त एका सेकंदात चार्ज होऊ शकतात. फोनला 0-100 टक्के चार्ज होण्यासाठी फक्त एक सेकंद लागेल. एडवर्ड टियान (Edward Tian) यांनी एका मुलाखतीदरम्यान ही माहिती दिली आहे.
OPPO कार्यकारी काय म्हणत आहे?
त्यांनी सांगितले की, आम्ही अशा टप्प्यावर आहोत जिथे तुमचा स्मार्टफोन फक्त 15 मिनिटांत चार्ज होऊ शकतो. तुमच्याकडे 150W चा चार्जर असल्यास, तुम्ही 15 मिनिटांत तुमचा फोन सहज चार्ज करू शकता.
तुम्ही Oppo ची उपकंपनी Realme चा GT Neo 3 फोन फक्त 5 मिनिटांत 50 टक्के चार्ज करू शकता. काही वर्षांपूर्वीपर्यंत अशी संख्या आपल्या आवाक्याबाहेर होती. आता आपण जिथे आहोत तिथून असे दिसते की चार्जिंग तंत्रज्ञानाची मर्यादा नाही.
जलद चार्जिंग सोपे का नाही?
एडवर्ड टियान म्हणाले, ‘फास्ट चार्जिंगचे तांत्रिक अभियंता म्हणून माझे काम वेळेची मर्यादा मोडणे आहे. आम्ही तो पर्यंत प्रयत्न करणार जो पर्यंत फक्त एका सेकंदात फोन चार्ज होत नाही.
Oppo हे लगेच करणार नाही. त्याऐवजी कंपनी याकडे एक शक्यता म्हणून पाहते. यासाठी कंपनीला लांबचा प्रवास करावा लागतो. एडवर्ड टियानने कबूल केले आहे की, तिथपर्यंत पोहोचणे एवढे पण सोपे नाही.
त्यांनी सांगितले की, फास्ट चार्जिंगचा चार्जिंग स्पीड (Charging speed) वाढवणे हे आव्हान नसून वापरकर्त्यांना चार्जिंगचा चांगला अनुभव देणे हे आव्हान आहे. यामध्ये सेफ्टी (Safety), चार्जिंग टेंपरेचर, बॅटरी सेल डेन्सिटी, बॅटरी लाइफ स्पॅम (Battery life spam) अशा अनेक गोष्टींची काळजी घ्यावी लागते.
