Success Story : कोणत्याही क्षेत्रात जर पॅशन किंवा आवड असेल तर प्रतिकूल परिस्थितीत देखील त्यां क्षेत्रात यशस्वी होता येऊ शकते. बिहारच्या (Bihar Farmer) औरंगाबाद मध्ये देखील असंच एक कौतुकास्पद उदाहरण समोर आले आहे.
औरंगाबाद जिल्ह्यातील अंबा येथील दधपा गावातील शेतकरी शिवनारायण मेस्त्री (Farmer Success Story) यांनी प्रतिकूल परिस्थितीत देखील कशा पद्धतीने यशस्वी होता येते हे दाखवून दिले आहे.
या प्रयोगशील शेतकऱ्याने स्वतःकडे शेतजमीन नसतानादेखील शेतीतून लाखो रुपयांची कमाई (Farmer Income) केली आहे. या प्रयोगशील शेतकऱ्याने आपल्या गावातील दुसऱ्या शेतकऱ्याकडून भाडेतत्वावर शेत जमीन घेऊन केळी आणि फुलांच्या शेतीतून लाखोंची कमाई करण्याची किमया साधली आहे. यामुळे सध्या या अवलिया शेतकऱ्याची (Farmer Success Story) सर्वत्र चर्चा रंगली आहे.
प्रयोगशील शेतकरी शिवनारायण (Successful Farmer) यांनी आपल्या गावातील एका शेतकऱ्याकडून दीड एकर शेती भाडेतत्त्वावर घेतली. त्या दीड एकर शेत जमिनीत केळी आणि फुलांची शेती सुरू केली आहे. त्यांनी दीड एकरपैकी काही क्षेत्रात केळीची लागवड केली आहे तर उर्वरित क्षेत्रात झेंडू या फुलाची शेती सुरू केली आहे.
विशेष म्हणजे आता केळी आणि झेंडूचे फूल तयार झाले असून आता त्यांचे बाजारात विक्री देखील केली जात आहे. या प्रयोगशील शेतकऱ्यांनी उत्पादित केलेली केळी बिहार समवेत झारखंड राज्यात देखील विक्री केली जात आहे. त्यांना केळीच्या शेतीतून आतापर्यंत 80 हजारांची कमाई झाली आहे.
आणि अजून 80 हजाराची कमाई होणार असल्याची त्यांना आशा आहे. शिवाय झेंडूच्या फुलापासून त्यांना पन्नास ते साठ हजार रुपये त्यांना मिळणार असल्याचे त्यांनी नमूद केले आहे. एकंदरीत त्यांना जवळपास सव्वा दोन लाख रुपयांची कमाई केवळ दीड एकर क्षेत्रात होणार आहे. विशेष म्हणजे या प्रयोगशील शेतकऱ्याने पिकांना पाणी देणे हेतू तुषार सिंचन पद्धतीचा अवलंब केला आहे.
यामुळे पाण्याची बचत होते शिवाय उत्पादनात वाढ होण्यास मदत होत असल्याचा दावा या शेतकऱ्याने केला आहे. निश्चितच कमी शेतजमीन असलेल्या शेतकरी बांधवांसाठी या प्रयोगशील शेतकऱ्याने एक आदर्श घालून दिला आहे. शिवनारायण यांनी स्वतःकडे शेतजमीन नसतानादेखील शेतीतून लाखोंची कमाई करून दाखवली आहे. यामुळे निश्चितच शिवनारायण इतर शेतकऱ्यांसाठी प्रेरणास्रोत बनले आहेत.
