Rupay Credit Card : युनिफाइड पेमेंट्स इंटरफेस (UPI) द्वारे रुपे क्रेडिट कार्डसह (RuPay Credit Card) 2,000 रुपयांपर्यंतच्या व्यवहारांसाठी (transactions) कोणतेही शुल्क (Payments) आकारले जाणार नाही.
NPCI ने आपल्या एका परिपत्रकात ही घोषणा केली आहे. रुपे क्रेडिट कार्ड गेल्या चार वर्षांपासून कार्यरत आहे. हे सर्व प्रमुख बँकांकडून (banks) जारी केले जाते. 4 ऑक्टोबर रोजी जारी करण्यात आलेल्या परिपत्रकात म्हटले आहे की, अॅपवर क्रेडिट कार्ड लिंक करणे आणि UPI पिन तयार करणे यासारख्या सर्व प्रकारच्या व्यवहारांसाठी क्रेडिट कार्ड सक्षम करण्यासाठी ग्राहकाची संमती आवश्यक आहे.
एनपीसीआयने असेही म्हटले आहे की आंतरराष्ट्रीय व्यवहारांसाठी अॅपची विद्यमान प्रक्रिया क्रेडिट कार्डसाठी देखील लागू असेल. या श्रेणीसाठी शून्य व्यापारी सवलत दर (MDR) रु. 2,000 पेक्षा कमी आणि समान व्यवहाराच्या रकमेपर्यंत लागू असेल.
काय बदल होतील
एमडीआर म्हणजे एखाद्या व्यापाऱ्याने त्याच्या ग्राहकांकडून क्रेडिट किंवा डेबिट कार्डद्वारे (credit or debit cards) पेमेंट स्वीकारण्यासाठी बँकेला दिलेली किंमत. जेव्हा जेव्हा कार्ड एखाद्याच्या व्यापाऱ्याच्या दुकानात पेमेंटसाठी वापरले जाते तेव्हा हे शुल्क देय असते. NPCI ने ही व्यवस्था तात्काळ लागू केली आहे. NPCI ने सभासदांनी याची दखल घेऊन तातडीने अंमलबजावणी करावी असे सांगितले आहे.
देशांतर्गत पेमेंट गेटवेला चालना मिळेल
परिपत्रकानुसार, क्रेडिट कार्ड जारीकर्ता आणि अॅपने क्रेडिट कार्डच्या जीवन चक्रातील प्रत्येक व्यवहारासाठी ग्राहकांना अशा व्यवहारांची योग्य माहिती पाठवली पाहिजे. या हालचालीमुळे देशांतर्गत पेमेंट गेटवेला चालना मिळेल आणि लोकांमध्ये RuPay कार्ड लोकप्रिय होण्यास प्रोत्साहन मिळेल.
ग्राहकांना अॅड-ऑन कार्डशी जोडलेला वेगळा मोबाइल नंबर असणे आवश्यक आहे. आम्ही तुम्हाला सांगतो की, काही दिवसांपूर्वीच क्रेडिट कार्डद्वारे UPI पेमेंट करण्याची परवानगी होती. RBI डेप्युटी गव्हर्नर टी रविशंकर (RBI Deputy Governor T Rabishankar) म्हणाले होते की UPI शी क्रेडिट कार्ड लिंक करण्याचा मूळ उद्देश ग्राहकांना पेमेंट पर्यायांची विस्तृत निवड प्रदान करणे आहे. पूर्वी UPI डेबिट कार्डद्वारे बचत खाती किंवा चालू खात्यांशी जोडले जात होते.
