7th Pay Commission : जर तुम्ही केंद्रीय कर्मचारी (Central Staff) असाल तर तुमच्यासाठी एक अतिशय महत्त्वाची आणि आनंदाची बातमी आहे. काही दिवसांपूर्वी केंद्र सरकारने त्यांच्या कर्मचाऱ्यांच्या महागाई भत्त्यात (DA) वाढ केली होती.
अशातच या कर्मचाऱ्यांच्या पगारात पुन्हा एकदा वाढ होणार आहे. केंद्र सरकार (Central Govt) सध्या फिटमेंट फॅक्टर (Fitment factor) वाढविण्याचा विचार करत आहे.
फिटमेंट फॅक्टरने किमान मूळ वेतन वाढेल
जर सरकारने केंद्रीय कर्मचाऱ्यांच्या फिटमेंट फॅक्टरमध्ये वाढ (Increase in fitment factor) करण्याची घोषणा केली तर त्यांच्या पगारात वाढ होईल. सध्या कर्मचाऱ्यांना फिटमेंट फॅक्टर अंतर्गत 2.57 टक्के पगार मिळतो, तो 3.68 टक्के केला तर कर्मचाऱ्यांचे किमान वेतन 8000 रुपयांनी वाढेल.
याचा अर्थ केंद्र सरकारी कर्मचाऱ्यांचे किमान वेतन 18,000 रुपयांवरून 26,000 रुपयांपर्यंत वाढणार आहे. सध्या किमान मूळ वेतन 18,000 रुपये आहे. तथापि, सरकार किमान मूळ वेतन 21,000 रुपये करण्याचा विचार करत आहे.
जर पगार 26,000 रु. असेल तर
फिटमेंट फॅक्टर 3.68 टक्क्यांपर्यंत वाढवल्यास कर्मचाऱ्यांचे मूळ वेतन 26,000 रुपये होईल. आत्ता जर तुमचा किमान पगार रु. 18,000 असेल, तर भत्ते वगळून, तुम्हाला 2.57 फिटमेंट फॅक्टरनुसार 46,260 रुपये (18,000 X 2.57 = 46,260) मिळतील. आता जर फिटमेंट फॅक्टर 3.68 असेल तर तुमचा पगार 95,680 रुपये असेल (26000X3.68 = 95,680).
पूर्वी कर्मचाऱ्यांचे मूळ वेतन इतके होते
केंद्रीय मंत्रिमंडळाने जून 2017 मध्ये 34 सुधारणांसह सातव्या वेतन आयोगाच्या शिफारशी मंजूर केल्या होत्या. प्रवेश स्तरावरील मूळ वेतन दरमहा 7,000 रुपये वरून 18,000 रुपये करण्यात आले.
तर सर्वोच्च स्तर म्हणजेच सचिवाचे वेतन 90,000 रुपयांवरून 2.5 लाख रुपये करण्यात आले. सरकारने यापूर्वी 2017 मध्ये एंट्री लेव्हल बेसिक वेतन 7,000 रुपये प्रति महिना वरून 18,000 रुपये केले होते.
