LIC Policy :  भारीच..! फक्त एकदाच करा गुंतवणूक अन् दरमहा मिळवा 36 हजार रुपये ; जाणून घ्या कसं 

Published on -

LIC Policy : LIC नेहमीच ग्राहकांसाठी विविध योजना सादर करत असते. या योजनेचा फायदा घेत अनेक लोकांनी भरपूर आर्थिक लाभ मिळवला आहे. आज आम्ही देखील अशीच एक योजना तुम्हाला सांगणार आहोत ज्यामध्ये तुम्हाला दरमहा 36 हजार रुपये कमवण्याची संधी आहे. आम्ही येथे LIC ची जीवन अक्षय पॉलिसीबद्दल बोलत आहोत. चला जाणून घ्या या योजनेमध्ये तुमचा फायदा कसा होणार.

कमाल गुंतवणुकीची मर्यादा नाही

जीवन अक्षय पॉलिसी ही एक सिंगल प्रीमियम नॉन लिंक्ड नॉन-पार्टिसिपटिंग आणि वैयक्तिक वार्षिकी योजना आहे. यामध्ये किमान 1,00,000 रुपये गुंतवून पॉलिसी सुरू केली जाऊ शकते. या पॉलिसीमध्ये जास्तीत जास्त गुंतवणुकीवर मर्यादा नाही.

जर एखाद्या व्यक्तीने या पॉलिसीमध्ये किमान एक लाख रुपये गुंतवले तर त्यांना वार्षिक 12,000 रुपये पेन्शन मिळेल. याचा अर्थ 1 लाख रुपयांच्या एकवेळच्या गुंतवणुकीवर तुम्हाला दरवर्षी पेन्शन म्हणून 12,000 रुपये मिळतील. गुंतवणुकीची कमाल मर्यादा नसल्यामुळे, पॉलिसीधारक त्यात पाहिजे तितकी गुंतवणूक करू शकतो. पेन्शनची रक्कम गुंतवलेल्या रकमेवर अवलंबून असेल.

योग्यता म्हणजे काय?

पात्रतेबद्दल बोलायचे झाल्यास, 35 वर्षे ते 85 वर्षे वयोगटातील लोक ही पॉलिसी घेऊ शकतात. याशिवाय दिव्यांग व्यक्तीही या पॉलिसीचा लाभ घेऊ शकतात. या पॉलिसीची एक खास गोष्ट म्हणजे पेन्शनची रक्कम कशी मिळवायची यासाठी 10 पर्याय दिले आहेत.

दरमहा 36 हजार रुपये पेन्शन कसे मिळणार?

जीवन अक्षय पॉलिसीच्या एकसमान दराने आयुष्यभरासाठी देय वार्षिकीचा पर्याय निवडून, तुम्ही या पॉलिसीमध्ये एकरकमी गुंतवणूक करून दरमहा 36 हजार रुपये पेन्शन मिळवू शकता. उदाहरणार्थ, जर 45 वर्षीय व्यक्तीने या योजनेची निवड केली आणि रु. 70,00,000 च्या सम अॅश्युअर्ड पर्यायाची निवड केली, तर त्याला रु.71,26,000 चा एकरकमी प्रीमियम भरावा लागेल. या गुंतवणुकीनंतर त्यांना दरमहा 36,429 रुपये पेन्शन मिळेल. मात्र, मृत्यूनंतर ही पेन्शन बंद होईल. एलआयसीच्या जीवन अक्षय पॉलिसीमध्ये अशा अनेक योजना आहेत.

हे पण वाचा :- Shani Dev: कुंडलीत शनी शुभ की अशुभ? हाताच्या रेषा न पाहता असे जाणून घ्या; वाचा सविस्तर

महत्वपूर्ण बातम्यांसाठी YouTube चॅनेल Subscribe करा
Subscribe

Latest News