Recharge Plan : भारतीय टेलिकॉम मार्केटमध्ये सध्या बीएसएनएलचा सर्वात जास्त दबदबा आहे. तुमच्यापैकी अनेकजण बीएसएनएलचे ग्राहक असतील.
याच ग्राहकांसाठी एक महत्त्वाची बातमी आहे. कारण या कंपनीने आपल्या एक प्लॅनची वैधता कमी केली आहे. त्यामुळे याचा ग्राहकांना चांगलाच फटका बसू शकतो.
काय बदल झाला
BSNL चा 499 रुपयांचा प्रीपेड प्लॅन आता बदलला असून यामध्ये PRBT, Zing आणि Eros Now सह 80 दिवसांची वैधता, दररोज 2GB डेटा, अमर्यादित व्हॉइस कॉलिंग आणि दररोज 100 SMS ची मर्यादा येते.
याआधी हा प्लान 90 दिवसांच्या वैधतेसह 2GB दैनिक डेटा आणि 100 SMS प्रतिदिन आणि अमर्यादित व्हॉइस कॉलिंगसह ग्राहकांना मिळत होता. या प्लॅनची किंमत दररोज 5.54 रुपये इतकी होती आणि प्रत्येक GB डेटाची किंमत फक्त 2.77 रुपये इतकी होती.
मात्र आता वैधता कमी केल्यानंतर, प्लॅनची दैनिक किंमत 5.54 रुपयांवरून 6.23 रुपये इतकी केली आहे. प्रत्येक जीबी डेटाची किंमत 2.77 रुपयांऐवजी 3.31 रुपये इतकी झाली आहे. प्लॅनच्या किमतीत ही किरकोळ वाढ झाली आहे.
सध्या कंपनी ग्राहकांसाठी 4G नेटवर्क सेवा सुरू करण्याच्या तयारीत आहे. त्यामुळे 4G लाँच केल्याशिवाय, BSNL शक्यतो त्याच्या सेवांच्या किंमतीचे समर्थन करू शकत नाही.
ज्यावेळी खाजगी दूरसंस्था दररोज काही अतिरिक्त रुपयांमध्ये 4G सेवा देतात. ती जानेवारीच्या सुरुवातीला वापरकर्त्यांसाठी येऊ शकते. दूरसंचार मंत्री अश्विनी वैष्णव यांनी असेही म्हटले आहे की 4G लाँच झाल्यानंतर BSNL कडून 5G फक्त 6 ते 7 महिन्यांच्या अंतराने लॉन्च केले जाईल.
