Ration Card : केंद्र सरकार आणि राज्य सरकारकडून देशातील गरीब नागरिकांसाठी रेशनकार्ड योजना सुरु केली आहे. या सुविधेमुळे देशातील करोडो नागरिकांना कमी दरात धान्य मिळत आहे. तसेच आता शिधापत्रिकाधारकांसाठी सरकारने आता मोठा निर्णय घेतला आहे.
तुमच्याकडेही रेशनकार्ड असेल तर सरकारने घेतलेल्या निर्णयचा तुम्हालाही फायदा होणार आहे. मध्य प्रदेश सरकारने रेशनकार्डवर वाढीव सुविधा घेण्याचा निर्णय घेतला आहे. त्यामुळे नागरिकांना फायदा होणार आहे.
रेशनकार्डधारकांसाठी सरकार ५०० कोटी रुपयांची गुंतवणूक करत आहे
कोरोना काळापासून देशातील लाखो रेशनकार्डधारकांना मोफत धान्य वाटप केले जात आहे. सध्या या मोफत धान्य वाटपाचा कालावधी २०२४ पर्यंत वाढवण्यात आल्याची घोषणा केंद्र सरकारकडून अर्थसंकल्पामध्ये करण्यात आली आहे.
मोफत रेशन वितरण प्रणालीत आणखी सुधारणा करण्यासाठी राज्य सरकार 500 कोटी रुपयांची गुंतवणूक करणार आहे. सरकार 500 कोटी रुपये खर्चून राज्यात 3500 रेशन दुकाने उघडण्याच्या तयारीत आहे.
शिधावाटपासाठी नवीन इमारत व गोदाम बांधण्याचे काम सुरू करण्याचे आदेश शासनाने दिले आहेत. वाजवी किंमतीत इमारत बांधण्यासाठी 13 लाख 50 हजार रुपयांपासून 21 लाख रुपयांपर्यंत अंदाजे खर्च येईल, अशी माहिती सरकारने दिली आहे.
रेशन वितरणासाठी इमारत नसलेल्या पंचायतीमध्ये नवीन इमारत बांधण्याचे काम सुरू करण्यात आले आहे. राज्यातील लाखो शिधापत्रिकाधारकांना याचा लाभ मिळणार आहे.
सरकारने जारी केलेल्या सूचना
शासनाच्या आढावा बैठकीत रेशन वितरण व्यवस्थेत पारदर्शकता यावी आणि काळाबाजार रोखण्यासाठी चर्चा करण्यात आली. यासाठी सरकारने नवीन सूचना जारी केल्या आहेत. याशिवाय मोफत रेशनचा लाभ घेणाऱ्या अपात्र नागरिकांना योजनेतून काढून टाकण्याचे आदेशही सरकारने दिले आहेत.
