Corona Update :- देशात पुन्हा एकदा कोरोनाच्या प्रकरणांमध्ये वाढ होताना दिसत आहे. 26 मार्च ते 1 एप्रिल या शेवटच्या आठवड्यात देशात 18,450 हून अधिक नवीन प्रकरणे नोंदवली गेली आहेत, जी मागील आठवड्यात नोंदवलेल्या 8,781 प्रकरणांपेक्षा 2.1 पट जास्त आहे. यादरम्यान 7 कोरोनाबाधित रुग्णांचा मृत्यू झाला.
COVID-19 | Maharashtra reports 562 new cases in the state today along with three covid deaths. Active cases at 3,488. pic.twitter.com/FmKwtOQAbo
— ANI (@ANI) April 2, 2023
देशातील कोरोना रुग्णांची संख्या
देशात कोरोना बाधित रुग्णांची संख्या 4,41,75,135 झाली आहे. त्याच वेळी, 5,30,892 कोरोना बाधित रुग्णांचा मृत्यू झाला आहे. दररोज कोरोनाच्या स्थितीवर लक्ष ठेवले जात आहे.
महाराष्ट्रात कोरोना
महाराष्ट्रात कोरोना विषाणू संसर्गाच्या 562 नवीन रुग्णांची नोंद झाली, त्यामुळे राज्यातील एकूण बाधितांची संख्या 81,45,342 झाली आहे, तर या कालावधीत 3 रुग्णांचा मृत्यू झाल्याने मृतांची संख्या 1,48,444 वर पोहोचली आहे. मुंबई शहरात 172 नवीन प्रकरणांची नोंद झाली आहे.
कोरोनापासून बचाव करण्यासाठी
घराबाहेर पडताना मास्क घाला, मास्कशिवाय बाहेर पडू नका.
कोरोना टाळण्यासाठी सामाजिक अंतर पाळणे आवश्यक आहे. वैयक्तिक स्वच्छता आणि शारीरिक अंतर राखा.
हात वारंवार धुवावे लागतात आणि स्वच्छतेची काळजी घ्यावी लागते.
आपल्या हातांनी आपला चेहरा आणि डोळे स्पर्श करू नका. चेहऱ्याला वारंवार हात लावायची सवय असेल तर लगेच बदला.
शिंकताना आणि खोकताना आपले नाक आणि तोंड रुमालाने किंवा टिश्यूने झाका.
तुमची रोगप्रतिकारक शक्ती मजबूत करा, त्यासाठी पौष्टिक आहार आणि योगासने तुमच्या दैनंदिन जीवनात समाविष्ट करा.
दिवसातून एकदा तरी हळदीचे दूध अवश्य सेवन करावे.
कोमट पाणी पिण्याची सवय लावा.
