IMD Rain Alert : देशातील अनेक राज्यांमधील हवामान बदल झाला आहे. त्यामुळे अनेक भागात सध्या अवकाळी पावसाचा कहर पाहायला मिळत आहे. तसेच अजूनही अवकाळी पावसाचे संकट कायम असल्याचे हवामान खात्याच्या अंदाजावरून दिसून येत आहे.
आता पुन्हा एकदा देशातील अनेक राज्यांमध्ये भारतीय हवामान खात्याकडून मुसळधार पावसाचा इशारा देण्यात आला आहे. त्यामुळे शेतकऱ्यांचे टेन्शन आणखी वाढले आहे. तसेच अवकाळी पावसामुळे शेतकऱ्यांचे देखील मोठ्या प्रमाणात नुकसान झाले आहे.
दिल्लीमध्ये देखील पाऊस कोसळत असल्याने तापमानात घट झाली आहे. त्यामुळे तेथील नागरिकांना उष्णतेपासून दिलासा मिळाला आहे. दिल्लीत ४ मे पर्यंत हलका ते मध्यम पाऊस पडण्याची शक्यता हवामान विभागाकडून वर्तवण्यात आली आहे.
दिल्लीत पावसाचा अंदाज
भारतीय हवामान खात्याच्या म्हणण्यानुसार राष्ट्रीय राजधानी दिल्लीत पुढील आठवडाभर तुरळक पावसाची शक्यता आहे. तसेच 3 मे पर्यंत वेगवेगळ्या ठिकाणी वेगवेगळ्या तीव्रतेसह पाऊस पडण्याची शक्यता आहे.
या काळात नेहमीच ढगाळ वातावरण राहण्याची शक्यता विभागाने व्यक्त केली आहे. त्यामुळे कमाल तापमानातही घट नोंदवली जाणार आहे. 4 मे पर्यंत पावसाचा अंदाज विभागाने वर्तवला आहे.
तापमानात ४ अंश सेल्सिअसपर्यंत घट होईल
दिल्लीतील तापमान ३५ अंश सेल्सिअसच्या वर राहील. तसेच किमान तापमान 23 अंश सेल्सिअसच्या आसपास राहण्याची शक्यता आहे. तसेच, पुढील आठवड्यात ते ४ अंश सेल्सिअसपर्यंत घसरण्याची शक्यता आहे.
या राज्यांमध्ये पावसाची शक्यता
वेस्टर्न डिस्टर्बन्स सक्रिय झाल्याने याचा परिणाम अनेक राज्यामध्ये पाऊस पडणार आहे. राजस्थान आणि पंजाबमधील अनेक जिल्ह्यांवर पावसाचा परिणाम दिसून येऊ शकतो. आज आणि उद्या हलका पाऊस पडण्याची शक्यता वर्तवण्यात आली आहे.
बिहार हवामान
गेल्या काही दिवसांपासून अनेक राज्यांमध्ये उष्णतेचा कहर पाहायला मिळत आहे. त्यामुळे नागरिक उकाड्याने हैराण झाले आहेत. राजधानी पटनामध्ये तापमान ४५ अंशांच्या आसपास पोहोचले होते. यासोबतच बिहारमधील सुमारे 19 जिल्ह्यांमध्ये उष्णतेच्या लाटेबाबत अलर्ट जारी करण्यात आला आहे.
हवामान खात्याने 29 एप्रिल आणि 30 एप्रिल रोजी राज्यातील बहुतांश भागात पाऊस, वादळ आणि विजांच्या कडकडाटासह यलो अलर्ट जारी केला आहे. तसेच पाऊस कोसळत असल्याने नागरिकांना उष्णतेपासून मोठा दिलासा मिळाला आहे.
जयपूर हवामान खात्याने राज्यातील अनेक जिल्ह्यांमध्ये आज म्हणजेच शनिवारी पावसाचा इशाराही जारी केला आहे. अजमेर, जयपूर, कोटा, उदयपूर आणि भरतपूर विभागात आज अनेक ठिकाणी पावसाची शक्यता विभागाने वर्तवली आहे.
यासोबतच जोधपूर आणि बिकानेर विभागात अनेक ठिकाणी पावसाचा इशारा देण्यात आला आहे. विभागाने 30 हून अधिक जिल्ह्यांमध्ये गडगडाट, विजांचा कडकडाट, गारपीट आणि सोसाट्याचा वारा यासाठी यलो अलर्ट जारी केला आहे.
