Maharashtra Rain:- संपूर्ण महाराष्ट्रामध्ये जुलै महिन्याच्या सुरुवातीपासूनच पावसाने जोरदार हजेरी लावली असून सध्या महाराष्ट्र मधील अनेक नद्यांनी उग्र स्वरूप धारण केले असून राज्यातील अनेक गावांना पुराचा धोका निर्माण झालेला आहे. राजधानी मुंबईची परिस्थिती देखील बिकट झाली असून अनेक भागांमध्ये पाणी साचल्यामुळे मुंबईकर त्रस्त झालेले आहेत.
परंतु राज्यातील काही भागांमध्ये आज पावसाचा जोर कमी झाला असून याबाबत पुणे वेधशाळेने माहिती दिली आहे की येणाऱ्या 48 तासानंतर राज्यातील पावसाचा जोर हळूहळू कमी होणार आहे व भारतीय हवामान विभागाच्या अंदाजानुसार ऑगस्ट महिन्यात कमी पाऊस पडणार आहे.
याबाबत भारतीय हवामान विभागाने माहिती देताना म्हटले की पुढील दोन आठवडे राज्यांमध्ये पावसाचे प्रमाण खूप कमी राहणार असून ऑगस्ट महिन्यामध्ये अपेक्षित असा पाऊस पडणार नसल्याचे देखील भारतीय हवामान विभागाकडून सांगण्यात आलेले आहे.
जर सध्या राज्यातील पावसाची परिस्थिती पाहिली तर ती सरासरीपेक्षा अधिक नोंद झालेली असून हवामान विभागाने मराठवाडा आणि विदर्भ या विभागामध्ये पुढील दोन ते तीन तासात जोरदार पाऊस होण्याचा अंदाज व्यक्त केलेला आहे. एवढेच नाही तर मुंबई व कोकणात देखील पावसाचा अंदाज व्यक्त करण्यात आलेला आहे.
हवामान विभागाचा राज्यातील आजचा पावसाचा अंदाज
आज राज्यातील नऊ जिल्ह्यांमधील काही भागांमध्ये जोरदार पावसाचा इशारा हवामान शास्त्र विभागाने वर्तवला असून काही ठिकाणी हलक्या त्या मध्यम स्वरूपाचा पाऊस पडेल असा देखील अंदाज वर्तवला आहे. मध्य महाराष्ट्राचा घाटमाथा आणि कोकण व विदर्भाच्या काही ठिकाणी जोरदार पावसाची शक्यता वर्तवण्यात आलेली आहे.
कोकणाचा विचार केला तर या ठिकाणी पालघर, ठाणे,रायगड,रत्नागिरी आणि पुणे तसेच पश्चिम महाराष्ट्रातील सातारा आणि विदर्भातील चंद्रपूर,गडचिरोली, यवतमाळ या जिल्ह्यातील काही ठिकाणी जोरदार पावसाचा ऑरेंज अलर्ट हवामाना विभागाने जाहीर केला आहे.
या जिल्ह्यांना हवामान विभागाचा यलो अलर्ट
खानदेशातील जळगाव,धुळे,नंदुरबार, नासिक तसेच पश्चिम महाराष्ट्रातील कोल्हापूर मराठवाड्यातील परभणी, धाराशिव,नांदेड,लातूर,परभणी,हिंगोली आणि विदर्भातील अकोला,अमरावती,भंडारा,बुलढाणा,गोंदिया,ना गपूर,वर्धा,वाशिम या जिल्ह्यात तुरळक ठिकाणी जोरदार पावसाचा येलो अलर्ट हवामान विभागाकडून देण्यात आलेला आहे.
