Fire-Boltt : बाजारात आता इअरबडची डिमांड होऊ लागली आहे. त्यामुळे अनेक कंपन्या आपले नवनवीन फीचर्स असणारे इअरबड बाजारात दाखल करत आहेत. अशातच आता Fire-Boltt ने देखील आपले नवीन इअरबड बाजारात लॉन्च केले आहे. जे तुम्हाला 7 रंगांमध्येखरेदी करता येईल.
विशेष म्हणजे Fire-Boltt Fire Pods Aura Earbuds या इअरबडमध्ये एकूण 40 तासांची बॅटरी लाईफ आणि शक्तिशाली फीचर्स देण्यात आले आहेत. याच्या किमतीबद्दल बोलायचे झाले तर ते तुम्हाला अवघ्या 999 रुपयांना खरेदी करता येईल.
बॅटरी लाईफ
कंपनीचे असे मत आहे की नवीन इयरबड्स फास्ट चार्जिंगला सपोर्ट करतील. जे पूर्ण चार्ज केल्यावर, एकूण 40 तासांपर्यंत प्लेटाइम ऑफर करते. कंपनीच्या नवीन इयरबडमध्ये चार्जिंगसाठी यात टाइप-सी पोर्ट देण्यात आलेले आहे.
इतकेच नाही तर हे इअरबड्स केवळ 10 मिनिटांच्या चार्जिंगसह 100 मिनिटांपर्यंत टिकू शकतात. इअरबड्सच्या इतर खास फीचर्सबद्दल बोलायचे झाले तर यात 40ms लो-लेटेंसी गेमिंग मोड, AI व्हॉइस असिस्टंट सपोर्ट, ब्लूटूथ v5.3 आणि IPX4 रेटिंग यांचा समावेश करण्यात आला आहे.
दमदार साउंड
फायर-बोल्टचे नवीन फायर पॉड्स ऑरा इअरबड्स इन-इअर स्टाइलसह येत आहेत. यामध्ये शक्तिशाली आवाजासाठी 10 मिमी डायनॅमिक ड्रायव्हर्स सुसज्ज आहेत. तसेच ते 3D सराउंड बास इफेक्टसह समृद्ध बास देखील देतात. कंपनीचे नवीन इयरबड्स क्वाड माइक AI-ENC ने सुसज्ज असून जे स्पष्ट कॉल गुणवत्तेसाठी आसपासचा आवाज पूर्णपणे रद्द करतात.
रंग पर्याय आणि किंमत
कंपनीकडून नवीन फायर-बोल्ट फायर पॉड्स ऑरा इअरबड्स ब्लॅक, ग्रे, ब्लू, ग्रीन, पिंक, व्हाइट आणि स्काय ब्लू अशा एकूण सात रंगांच्या पर्यायांमध्ये लॉन्च करण्यात आले आहेत. किमतीचा विचार केला तर या इयरबड्सची किंमत फक्त 999 रुपये आहे. जे तुमच्यासाठी कंपनीच्या अधिकृत साइट आणि फ्लिपकार्टवर खरेदीसाठी उपलब्ध करून दिले आहेत. कमी किमतीत तुम्ही उत्तम दर्जाचे इअरबड्स खरेदी करू शकता.
