Vastu Tips : वास्तु शाश्त्रात असे अनेक उपाय सांगितले आहेत, जे व्यक्तीच्या जीवनात समृद्धी आणि आनंद आणतात. आज आम्ही तुमच्या घरात लावलेल्या फोटो संदर्भात काही टिप्स सांगणार आहोत, असे फोटो तुम्ही घरात लावल्यास तुमच्या घरात सुख-समृद्धी कायम राहील.
अनेकवेळा असे घडते की, आपण आपल्या इच्छेनुसार कोणतेही फोटो आपल्या घरात लावतो, परंतु असे केल्याने जीवन संकटांनी घेरले जाते. अशातच तुम्ही वास्तु शाश्त्रातील काही खास टिप्स पाळल्यास तुमच्या घरात सकारात्मकता कायम राहते आणि मार्गात येणारे सर्व अडथळे दूर होतात. आज आम्ही तुम्हाला अशा काही फोटोंबद्दल सांगणार आहोत जे तुम्ही घरात लावल्यास तुमच्या जीवनात आनंदच आनंद येईल.
काही लोकांना घरात पक्षी आणि प्राण्यांची चित्रे लटकवायला खूप आवडतात. पण घरामध्ये पक्ष्यांची चित्रे टांगण्याचे काही नियम आहेत. जंगली पक्ष्यांची चित्रे घरात नकारात्मकता आणतात. वास्तुशास्त्रानुसार काही पक्ष्यांची छायाचित्रे लावल्याने घरात प्रगती, सुख-समृद्धी येते. असे केल्याने कुटुंबात सुख-शांती राहते. तसेच नकारात्मक ऊर्जाही निघून जाते.
मोराचे चित्र
हिंदू धर्मात मोराला खूप शुभ मानले जाते. भगवान श्रीकृष्ण आपल्या कपाळावर मोरपंख लावतात. हे भगवान कार्तिकेयाचे वाहन आहे. घरात मोराचे चित्र लावणे किंवा मोराची पिसे ठेवणे खूप शुभ मानले जाते. उत्तर आणि दक्षिण दिशेच्या भिंतीवर लावल्यास फायदा होतो.
पोपटाचे चित्र
घराच्या भिंतींवर तुम्ही पोपटाचे चित्रही लावू शकता. उत्तर-पश्चिम दिशेला लावणे फलदायी मानले जाते. रंगीबेरंगी पिसे असलेले पोपटाचे चित्र लावल्याने वैवाहिक जीवनात गोडवा येतो. आणि आर्थिक समस्यांपासून आराम मिळतो.
लहान चिमणीचे चित्र
घरात चिमणीचे आगमन खूप शुभ मानले जाते. त्याचे चित्र घराच्या भिंतींवर लावणे खूप शुभ असते. असे केल्याने वास्तुदोषांपासून मुक्ती मिळते. यासोबतच नकारात्मक ऊर्जा निघून जाते. हा फोटो घराच्या पूर्व दिशेला लावा.
