Ration Card : तुम्ही देखील शिधापत्रिकाधारक असाल तर ही बातमी तुमच्यासाठी महत्वाची ठरेल. होय, जर तुम्ही Ration Card धारक असाल तर तुम्हाला एक महत्वाचे काम पार पडावे लागले अन्यथा तुम्हाला या सुविधेपासून वंचीत राहावे लागू शकते.
खरे तर कोरोना विषाणू संसर्गाच्या काळात केंद्र आणि राज्य सरकारने शिधापत्रिकाधारकांसाठी एका पेक्षा एक सुविधा उपलब्ध करून दिल्या होत्या, दरम्यान, जर तुमच्याकडे रेशन कार्ड असेल आणि तुम्ही ते अ‍ॅक्टिव्ह ठेवण्याचा विचार करत असाल, तर तुम्हाला काही महत्त्वाच्या गोष्टी माहित असणे आवश्यक आहे. रेशनकार्डांबाबत सरकार नवनवीन नियम बनवत असते, त्याकडे दुर्लक्ष करणे तुम्हाला महागात पडू शकते.
जर तुम्ही शिधापत्रिकेचा लाभ घेण्याचा विचार करत असाल, तर हा नवीन नियम जाणून घ्या, जेणेकरून तुम्हाला भविष्यात कोणतीही अडचण येणार नाही. रेशन कार्ड आधार कार्डशी लिंक करण्याची तारीख वाढवण्यात आली आहे. निर्धारित तारखेपर्यंत तुम्ही शिधापत्रिका आधारशी लिंक न केल्यास तुम्हाला या सुविधांपासून वंचित राहावे लागू शकते.
‘या’ तारखेपर्यंत करा लिंक
रेशनकार्डद्वारे गहू, तांदूळ, डाळी आणि साखरेचा लाभ घेणाऱ्यांनाही महत्त्वाचे नियम माहित असणे आवश्यक आहे, जेणेकरून कोणतीही अडचण येणार नाही. सरकारने रेशनकार्डशी आधार लिंक करण्याची अंतिम तारीख ३१ डिसेंबर केली आहे. तुम्ही आता हे काम ३१ डिसेंबर पर्यंत पूर्ण करू शकता. जर तुम्ही हे काम डिसेंबरपर्यंतही करू शकला नाही तर तुम्हाला अडचणींचा सामना करावा लागू शकतो.
रेशन कार्डशी आधार लिंक करण्याची तारीख सरकारने आधीच वाढवली आहे. यापूर्वी ३० सप्टेंबरपर्यंत अंतिम तारीख होती, ती पुन्हा एकदा वाढवण्यात आली असून लोकांना आनंदाची बातमी देण्यात आली आहे. यासाठी सार्वजनिक सुविधा केंद्रात जाऊन तुम्ही हे काम सहज पूर्ण करू शकता.
आधार लिंक न केल्यास ‘या’ समस्यांना समोरे जावे लागू शकते
जर तुम्ही आधार कार्ड रेशन कार्डशी लिंक केले नसेल तर तुम्हाला अडचणींना सामोरे जावे लागेल. डिसेंबर अखेरपर्यंत एखाद्या व्यक्तीने आपले रेशन कार्ड आधारशी लिंक केले नाही तर त्याचे नाव यादीतून काढून टाकले जाईल. सरकारने उचललेल्या या पावलाचा उद्देश योग्य लोकांना रेशन सुविधा उपलब्ध करून देणे हा आहे.
