Ahmednagar News : अहमदनगर पोलिस पथकावर हल्ला करणाऱ्या सहा आरोपींना जिल्हा व सत्र न्यायाधीश एस. व्हि. सहारे मॅडम यांनी दोषी धरत विविध कलमान्वये शिक्षा सुनावली असून या खटल्याचे कामकाज अभियोग पक्षाच्या वतीने अॅड. मंगेश दिवाणे यांनी पाहीले.
याबाबत सविस्तर माहिती अशी की, यातील फिर्यादी पो.कॉ. योगेश घोडके बक्कल व पोलिस पथकातील सहकारी अवैध वाळू वाहतुक करणाऱ्या वाहनावर कारवाई करण्याकरीता सरकारी जीपने वांबोरीकडुन राहुरीकडे जात असताना राहुरीकडुन वांबोरीकडे यातील आरोपीने त्याच्या ताब्यातील ढंपरमध्ये ४ ब्रास चोरीची वाळु घेवुन भरधाव वेगाने जात होता.
यातील फिर्यादी घोडके यांनी थांबविण्याचा इशारा दिला असता आरोपीने फिर्यादी व साक्षीदार यांना जीवे मारण्याचे उद्देशाने ढंपर भरधाव वेगाने चालवुन त्यांना जीवे ठार मागण्याचा प्रयत्न केला.
तर ४ आरोपींनी स्वीट व बोलेरो गाडीमधुन पाठीमागुन येवुन गैरकायद्याची मंडळी जमा करुन फिर्यादी व त्यांच्या पथकातील कर्मचारी यांना दमदाटी करुन त्यांच्याबरोबर झटापट करुन सरकारी कामात अडथळा निर्माण केल्याप्रकरणी राहुरी पोलिस ठाण्यात गुन्हा दाखल करण्यात आला होता.
सदर प्रकरणात एकूण आठ साक्षीदार तपासण्यात आले. सरकार पक्षाचा पुरावा ग्राहय धरुन सदर आरोपींना ३५३, ३७९, १४३, १४७, ४२७, ५०६, ३२३ या गुन्ह्यात दोषी धरण्यात आले. तर आरोपींना भा.द.वि. ३०७ ३३२, यातुन निर्दोष मुक्त करण्यात आले.
आरोपींना एकुण ४३ हजाराचा दंड करण्यात आला. सदर खटल्याचे कामकाज अभियोग पक्षाच्या वतीने अॅड. मंगेश दिवाणे यांनी पाहीले, त्यांना पैरवी अधिकारी स. फो. विलास साठे व पो. कॉ. योगेश वाघ यांनी सहकार्य केले.
दरम्यान, याप्रकरणी जगन्नाथ रघुनाथ बर्डे ( रा. हनुमान वाडी, पिंपरी वळण रा. ता. राहुरी), किशोर कानिफनाथ वारुळे (रा. वारुळवाडी, ता. जि. नगर), सुधिर मुरलीधर दुसुंगे ( रा. कापुरवाडी, ता. जि. नगर), सोनल सुभाष निकम (रा. वडगाव गुप्ता, ता. जि. नगर), युसुफ नजीर पठाण (रा. तवले नगर, ता. जि. नगर), प्रमोद बाळासाहेब कराळे ( रा. पाईपलाईन रोड, ता. जि. नगर) यांना दोषी धरण्यात आले आहे.
जगन्नाथ बर्डे, किशोर वारुळे यांना कलम ३७९ अन्वये प्रत्येकी २ वर्षे शिक्षा, प्रत्येकी ३ हजार रूपये दंडाची शिक्षा सदर दंड न भरल्यास १ महिन्याची शिक्षा, तसेच जगन्नाथ बर्डे, किशोर वारुळे, सुधिर दुसुंगे सोनल निकम, युसुफ पठाण, प्रमोद कराळे यांना कलम १४३ अन्वये ६ महिने प्रत्येकी शिक्षा, प्रत्येकी १ हजार रुपये दंड, दंड न भरल्यास १५ दिवस शिक्षा.
जगन्नाथ बर्डे, किशोर वारुळे, सुधिर दुसुंगे, सोनल निकम, युसुफ पठाण, प्रमोद कराळे यांना कलम १४७ अन्वये ६ महिने प्रत्येकी शिक्षा, प्रत्येकी १ हजार रुपये दंड, दंड न भरल्यास १५ दिवस शिक्षा. तसेच बर्डे, वारुळे, दुसुंगे, निकम,
पठाण, कराळे यांना कलम ३५३ अन्वये २ महिने प्रत्येकी शिक्षा, प्रत्येकी ३ हजार रुपये दंड, दंड न भरल्यास १ महिना शिक्षा. तसेच बर्डे यांना कलम ४२७ अन्वये ६ महिने प्रत्येकी शिक्षा, प्रत्येकी १ हजार रुपये दंड, दंड न भरल्यास १५ दिवस शिक्षा.
तसेच बर्डे यांना कलम ३२३ अन्वये १ वर्षे शिक्षा, १ हजार रुपये दंड, दंड न भरल्यास १५ दिवस शिक्षा. वारुळे, दुसुंगे, निकम, पठाण, कराळे यांना कलम ५०६ अन्वये ६ महिने प्रत्येकी शिक्षा, प्रत्येकी १ हजार रुपये दंड, दंड न भरल्यास १५ दिवस शिक्षा सुनावली असून सर्व शिक्षा एकत्र भोगावयाच्या आहेत असा आदेश केला आहे.
