Bank FD : दसऱ्यापूर्वी फेडरल बँकेने आपल्या ग्राहकांना एक मोठी भेट दिली आहे. बँकेने 2 कोटी रुपयांपेक्षा कमी कालावधीच्या एफडीवरील व्याजात वाढ केली असून, आता ग्राहकांना एफडीवर पूर्वीपेक्षा जास्त व्याजदर मिळणार आहे, सणासुदीच्या काळात केलेली ही वाढ ग्राहकांसाठी खूप खास असणार आहे.
फेडरल बँकेने आपल्या 400 दिवसांच्या FD वर जास्तीत जास्त 8.15% व्याज दर ऑफर केले आहे. 400 दिवसांच्या FD वर, बँक ज्येष्ठ नागरिकांना 8.15% आणि सर्वसामान्यांना 7.65% व्याज दर ऑफर करत आहे. ज्येष्ठ नागरिक आणि सामान्य लोकांसाठी 13 महिने ते 21 महिने कालावधीसाठी अनुक्रमे 8.05% आणि 7.55% व्याजदर आहेत. अशातच तुम्हीही सणासुदीच्या काळात एफडीमध्ये गुंतवणूक करण्याचा विचार करत असाल तर तुमच्यासाठी ही संधी उत्तम आणि चांगली असेल.
400 दिवसांच्या एफडीवर 8.15 टक्के व्याजदर
तुम्हालाही आता एफडीमध्ये गुंतवणूक करायची असेल तर फेडरल बँकेने एफडीचे दर वाढवले आहेत. फेडरल बँक 400 दिवसांच्या FD वर सर्वाधिक व्याज देत आहे. फेडरल बँक 400 दिवसांच्या एफडीवर ज्येष्ठ नागरिकांना 8.15% आणि सर्वसामान्यांना 7.65% व्याज देत आहे.
फेडरल बँकेचे नवीन FD व्याजदर
फेडरल बँक 7 ते 29 दिवसांत परिपक्व होणाऱ्या FD वर 3 टक्के व्याजदर आणि 30 ते 45 दिवसांत परिपक्व होणाऱ्या FD वर 3.25 टक्के व्याजदर देत आहे. बँकेच्या वेबसाइटनुसार, 46 दिवस ते 60 दिवसांत परिपक्व होणाऱ्या एफडीवर 4.00 टक्के दराने व्याज दिले जाईल आणि 61 दिवस ते 119 दिवसांत परिपक्व होणाऱ्या एफडीवर 4.75 टक्के व्याज दिले जाईल. पुढील 120 ते 180 दिवसांत परिपक्व होणाऱ्यांना आता 5% दराने व्याज मिळेल. बँक पुढील 181 दिवस ते 270 दिवसांत परिपक्व होणाऱ्या FD वर 5.75 टक्के व्याजदर आणि पुढील 271 दिवस ते एक वर्षापेक्षा कमी कालावधीत परिपक्व होणाऱ्या FD वर 6 टक्के व्याजदर देत आहे.
आत्ताचे दर
फेडरल बँक आता 1 वर्ष ते 15 महिन्यांपेक्षा कमी कालावधीत परिपक्व होणाऱ्या FD वर 6.80 टक्के व्याजदर आणि 15 महिने ते 2 वर्षांच्या कालावधीत परिपक्व होणाऱ्या FD वर 7.25 टक्के व्याजदर देत आहे. दोन वर्षांपेक्षा जास्त आणि तीन वर्षांपेक्षा कमी कालावधीच्या FD वर आता 6.75 टक्के दराने व्याज मिळेल. तीन वर्षापासून पाच वर्षांपेक्षा कमी कालावधीच्या मुदतीच्या FD वर आता 6.60 टक्के दराने व्याज मिळेल. बँक 5 वर्षे आणि त्याहून अधिक कालावधीच्या FD वर 6.60 टक्के व्याज दर देत आहे. तर बँक ज्येष्ठ नागरिकांना ०.५० टक्के अतिरिक्त व्याज देत आहे.
