LIC Superhit Scheme : लाइफ इन्शुरन्स कॉर्पोरेशन (LIC) प्रत्येक श्रेणीतील गुंतवणूकदारांसाठी अनेक आकर्षक पॉलिसी ऑफर करते आणि मोठ्या संख्येने गुंतवणूकदार सुरक्षित गुंतवणुकीसाठी LIC पॉलिसींवर विश्वास ठेवतात. खासगी क्षेत्रात काम करणाऱ्यांना भविष्यात पेन्शनची सुविधा मिळत नाही.
अशा स्थितीत त्यांच्यासाठी सेवानिवृत्तीचे नियोजन अगोदर करणे फार गरजेचे आहे. रिटायरमेंट कॉर्पस तयार करण्यासाठी अनेक गुंतवणुकीचे पर्याय उपलब्ध आहेत, या अ‍ॅन्युइटी प्लॅनमध्ये एलआयसीच्या जीवन अक्षय पॉलिसीचाही समावेश आहे. तुम्ही ही योजना निवृत्ती नियोजनासाठी देखील निवडू शकता.
जीवन अक्षय योजना ही एक तत्काळ वार्षिकी योजना आहे, जी एकल प्रीमियम पॉलिसी आहे आणि त्यात एकरकमी रक्कम गुंतवावी लागते. तुम्ही महिन्यातून एकदा, दर तीन महिन्यांनी, वर्षातून दोनदा किंवा संपूर्ण वर्षातून एकदा वार्षिकी भरू शकता. योजना सुरू होताच पेआउट सुरू होते, त्यामुळे तुम्ही तुमचा पेमेंट पर्याय नंतर बदलू शकत नाही.
तुम्हाला किती पेन्शन मिळेल?
या योजनेत तुम्ही जितकी मोठी गुंतवणूक कराल तितकी जास्त पेन्शन तुम्हाला मिळेल. तुम्ही किमान 1 लाख रुपयांची गुंतवणूक करू शकता. आणि किमान वय 30 वर्षे असावे. जर तुम्ही या योजनेत 5 लाख रुपये गुंतवले तर तुम्हाला 28,625 रुपये वार्षिक परतावा मिळेल. पेन्शन 2315 रुपये प्रति महिना, 6,988 रुपये तिमाही आणि 14,088 रुपये सहामाही येते.
16,000 रुपयांच्या पेन्शनसाठी दरमहा किती गुंतवणूक करावी लागेल?
तुम्हाला सेवानिवृत्तीनंतर एलआयसी जीवन अक्षय प्लॅनद्वारे दरमहा 16,000 रुपये पेन्शन मिळवायचे असेल, तर तुम्हाला यासाठी 35 लाख रुपयांची एकरकमी गुंतवणूक करावी लागेल. होय, तुम्हाला मासिक पेन्शन 16,479,रुपये 49,744 रुपये तिमाही पेन्शन, आणि 1,00,275 रुपयाची सहामाही पेन्शन आणि 2,03,700 ची वार्षिक पेन्शन मिळते.
