SBI Bank WeCare FD Scheme : SBI बँक ग्राहकांसाठी वेळोवेळी नवनवीन योजना राबवत असते. ज्या ग्राहकांसाठी खूप फायदेशीर मानल्या जातात. या योजना काही काळासाठी आणल्या जातात. आणि काही काळानंतर त्या योजना बंद देखील केल्या जातात.
SBIची अशीच एक योजना म्हणजे SBI WeCare योजना. या योजनेची अंतिम मुदत वाढवण्यात आली आहे. WeCare FD ही 5 ते 10 वर्षांची FD आहे. ज्यावर जास्त व्याज दिले जात आहे. SBI च्या WeCare FD वर 7.50 टक्के व्याज दिले जात आहे. हा व्याजदर नवीन आणि नूतनीकरण करण्यायोग्य अशा दोन्ही FD वर दिला जाईल. SBI च्या या विशेष योजनेत 31 मार्च 2024 पर्यंत गुंतवणूक करता येईल.
SBI WeCare योजना
ज्येष्ठ नागरिकांना गुंतवणुकीसाठी जास्त धोका पत्करायचा नाही. जर तुम्ही दीर्घ काळासाठी FD मध्ये गुंतवणूक करण्याचा विचार करत असाल, तर SBI WeCare योजना तुमच्यासाठी उपयुक्त ठरू शकते. स्टेट बँक ऑफ इंडिया (SBI) च्या या विशेष एफडी योजनेत ग्राहक ३१ मार्च २०२४ पर्यंत गुंतवणूक करू शकतात. SBI ची ही योजना ज्येष्ठ नागरिकांना 0.50 टक्के अतिरिक्त व्याज देत आहे. या FD योजनेत किमान गुंतवणूक करून, तुम्ही 5 वर्षे आणि 10 वर्षांत जास्त परतावा मिळवू शकता. SBI च्या या FD वर 7.50 टक्के दराने व्याज मिळत आहे.
नियमित व्याजदर
SBI चे नियमित FD व्याज दर 7 दिवस ते 10 वर्षांच्या कालावधीसाठी 3.50% आणि 7.50% दरम्यान असतात. आयकराच्या नियमांनुसार त्यात टीडीएस कापला जातो. आयटी नियमांनुसार कर कपातीतून सूट मिळण्यासाठी गुंतवणूकदार फॉर्म 15H/15G सबमिट करू शकतात. कोविड काळात ज्येष्ठ नागरिकांना त्यांचे पैसे सुरक्षित ठेवण्यासाठी SBI WeCare स्पेशल FD योजना एक पर्याय म्हणून सुरू करण्यात आली होती. ही FD योजना लोकांना सर्वाधिक व्याज देणारी FD योजना आहे.
