अहमदनगर :- शिवसेनेचे पदाधिकारी व नगरसेवकांच्या उपस्थितीत झालेल्या बैठकीत विधानसभेसाठी माजी आमदार अनिल राठोड यांच्या उमेदवारीचा एकमुखी ठराव करण्यात आला.
पक्षप्रमुख उध्दव ठाकरे यांची भेट घेऊन राठोड यांना उमेदवारी देण्याची मागणी सेनेच्या शिष्टमंडळाकडून करण्यात येणार आहे.
माजी शहरप्रमुख संभाजी कदम हे शहराचे भावी आमदार असल्याचा उल्लेख करीत त्यांच्या समर्थकांनी सोशल मीडियावर अप्रत्यक्षरित्या उमेदवारीसाठी लॉबिंग सुरू केली या बातमीने शिवसेना वर्तुळात खळबळ उडाली होती.
यासंदर्भात तातडीने बैठक घेण्यात आली. विधानसभेसाठी आपण इच्छुक नसल्याचे संभाजी कदम यांनी बैठकीत स्पष्ट केल्याचे सूत्रांकडून सांगण्यात आले.
माजी शहरप्रमुख संभाजी कदम यांच्या समर्थकांकडून कदम हे ‘भावी आमदार’ अशा पोस्ट सोशल मीडियाव्दारे व्हायरल केल्या होत्या.
यावर या बैठकीत चर्चा झाली. नगरसेवकांनी आपल्या कार्यकत्र्यांना आवर घालावा, असेही यावेळी सूचित करण्यात आले.
बैठकीस दक्षिण जिल्हाप्रमुख प्रा. शशिकांत गाडे, शहरप्रमुख दिलीप सातपुते, संभाजी कदम यांच्यासह दोन – तीन नगरसेवक वगळता उर्वरीत सर्व नगरसेवक उपस्थित होते.
उपनेते अनिल राठोड हेही या बैठकीत उशिरा आले होते. विधानसभा निवडणुकीत अनिल राठोड हेच उमेदवार असतील, असा ठराव नगरसेवकांनी या बैठकीत केला.
तसेच येत्या आठ दिवसात नगरसेवक, पदाधिकारी, शाखाप्रमुख यांची बैठक घेऊन आगामी विधानसभा निवडणुकीच्या तयारीसंदर्भात चर्चा करण्यात येणार आहे.
उध्दव ठाकरे सध्या दुष्काळी दौ- यावर आहेत. हा दौरा संपल्यानंतर शिष्टमंडळाव्दारे ठाकरे यांना भेटून अनिल राठोड यांच्या उमेदवारीची मागणी करण्याचा निर्णय यावेळी घेण्यात आला.
अनिल राठोड हेच उमेदवार असतील, आपण इच्छुक नाहीत, कार्यकर्त्यांनी पोस्ट टाकल्या आहेत, असे कदम यांनी सांगितल्याचे समजते.
- बिल देण्याच्या कारणावरून साकूरमध्ये हाणामारी ; १७ जणांविरुद्ध गुन्हा दाखल, सकल हिंदू समाजाचे गावबंद आंदोलन
- ‘आध्यात्मिक शक्तीपीठ म्हणून भगवानगडाची ओळख’ ; भगवान गडावर भाविकांची अलोट गर्दी
- छत्रपती संभाजीनगर महामार्गावर ‘मृत्यूचे तांडव’ सुरूच ! दहा दिवसात अपघातात पाच बळी ; मागणीकडे दुर्लक्ष; नागरिकांचा आक्रमक पवित्रा
- पर्सनल लोन घेण्यासाठी तुम्हाला किती पगार असायला हवा? अर्ज करा परंतु त्याआधी अटी वाचा
- अल्पवयीन मुलीवर अत्याचार; आरोपीस सक्तमजुरीची शिक्षा
