नेवासे : पंचायत समितीच्या सोनई गणाची पोटनिवडणूक प्रत्यक्षात एकतर्फी झाली. क्रांतिकारी शेतकरी पक्षाच्या कारभारी डफळ यांनी भाजपच्या प्रकाश शेटे यांचा ३२८९ मतांनी दारुण पराभव केला.
भाजपचा धुव्वा उडण्यास आमदार बाळासाहेब मुरकुटे यांची कार्यपद्धती कारणीभूत असल्याचे खापर फोडण्यात येत असून त्यामुळे त्यांच्या राजकीय अडचणींत वाढ होणार आहे.
नेवासे पंचायत समितीच्या सभापती सुनीता शंकरराव गडाख यांनी मराठा, धनगर, मुस्लिम आरक्षण लढ्याला पाठिंबा देण्यासाठी सभापतिपदासह सदस्यत्वाचा राजीनामा दिल्यामुळे ही पोटनिवडणूक घेण्यात आली.
राजकारण न करता ही निवडणूक बिनविरोध करण्याची लोकभावना होती. तथापि, माजी आमदार शंकरराव गडाख यांची राजकीय कोंडी करण्याच्या हेतूने आमदार मुरकुटे यांनी स्थानिक कार्यकर्त्यांच्या खांद्यावर बंदूक ठेवून ही निवडणूक लोकांवर लादल्याचा आरोप करण्यात येत होता.
मुरकुटे यांनी ही निवडणूक प्रतिष्ठेची बनवून अटीतटीच्या लढतीचे भ्रामक चित्र उभे केले होते. ऐन विधानसभेच्या तोंडावर झालेल्या या दारुण पराभवाने त्यांनी ‘हात दाखवून अवलक्षण’ करून घेतल्याची चर्चा तालुक्यात आहे.
पोटनिवडणुकीत क्रांतिकारीच्या कारभारी डफळ यांना ८२६४, तर भाजप उमेदवार प्रकाश शेटे यांना ४९७५ मते मिळाली. नोटाला २१३ मते मिळाली. डफळ यांनी शेटे यांचा ३२८९ मतांनी दारुण पराभव करून भाजप नेत्यांकडून केल्या जाणाऱ्या वल्गना किती पोकळ होत्या ते दाखवून दिले.
- फेब्रुवारी 2025 मध्ये सरकारी कर्मचाऱ्यांची ‘ही’ प्रलंबित मागणी पूर्ण होणार ! कर्मचाऱ्यांना मिळणार आर्थिक दिलासा
- फडणवीस सरकारचा ‘हा’ ड्रीम प्रोजेक्ट पूर्ण, नव्या महामार्गामुळे 16 तासांचा प्रवास फक्त 8 तासात होणार, उद्घाटनाची तारीख काय ? वाचा…
- स्मार्टफोन,घरगुती उपकरणे स्वस्तात घेण्याची सुवर्णसंधी! कधी सुरू होत आहे ॲमेझॉन आणि फ्लिपकार्टचा रिपब्लिक डे सेल?
- शेतकऱ्यांपासून तर सगळ्यांची आवडती असणारी हिरोची ‘ही’ बाईक झाली महाग! आता मोजावे लागतील इतके पैसे
- विनफास्ट भारतीय बाजारात आणणार 2 धमाकेदार इलेक्ट्रिक एसयुव्ही कार! मिळेल 430 ते 450 किमीची रेंज आणि बरच काही
