शेवगाव :- राज्यमार्गावर सौंदाळा-नागापूर शिवारात रविवार दि. ३० जून रोजी दुपारी पावणेदोन वाजेच्या दरम्यान ॲपे रिक्षा व इंडिका कार यांची समोरासमोर टक्कर झाली.
या अपघातात एक ठार, तर नऊ जण जबर जखमी झाले आहेत. जखमींना १०८ रुग्णवाहिकेतून नेवासा फाटा येथील ग्रामीण रुग्णालय, श्वास हॉस्पिटल व नगर येथे हलविण्यात आले आहे.
प्रवासी वाहतूक करणारी ॲपे रिक्षा (क्र. एमएच १७ एजे १५४२) व इंडिका (क्र. एमएच ०४ बीवाय ४२६०) या दोन वाहनात भीषण अपघात होऊन नेवासा तालुक्यातील जेऊर हैबती येथील दिलीप साहेबराव मिसाळ (वय ५०) हे ठार झाले.
इंडिका गाडीने चुकीच्या दिशेने येऊन धडक दिल्याचे फिर्यादीत म्हटले असून इंडिका चालक फरार झाला आहे. ॲपे रिक्षा चालक गणेश दाते, रितेश कांक्रळे, सोपान मसुरे (औरंगाबाद), सविता बिरदवडे, मुलगी सायली बिरदवडे (रा. तरवडी, ता. नेवासा) येथील आहेत.
अपघातात ठार झालेले दिलीप मिसाळ यांचे चुलते शाहूराव मिसाळ, शामराव काळे (देवगाव), शिवा फुंदे (जालना), छबू काळे (शेवगाव), राजेश लाळगे (निघोज, पारनेर), विलास यादव (भेंडा) यांना उपचारासाठी श्वास हॉस्पिटल व ग्रामीण रुग्णालयात दाखल करण्यात आले होते.
- महागाईचा भडका उडाला असताना घरीच पिकवा मिरचीचे पीक, अवघ्या 15 दिवसांत मिळतील भरपूर हिरव्या मिरच्या!
- जन्मतारखेनुसार पर्समध्ये ठेवा ‘या’ गोष्टी…पैसा आणि भाग्य तुमच्याकडे ओढून येईल!
- नागरिकांना उगाच चकरा मारायला लावू नका, कागदपत्रे पूर्ण करून पात्र लाभार्थ्यांना लाभ मिळवून द्या, आमदार काळेंच्या सूचना
- संगमनेर तालुक्यात एमआयडीसी सुरू करणारच, आमदार अमोल खताळांचा ठाम निर्धार
- आगामी स्थानिक स्वराज्य संस्थांच्या निवडणुकीत भाजपचाच झेंडा फडकणार, शिर्डीतील भाजप मेळाव्यात पालकमंत्री विखेंचे प्रतिपादन
