अहमदनगर : पोलिस अधीक्षकांनी जिल्ह्यातील वाळूतस्कर अवैध व्यावसायिकांसह रेकॉर्डवरील गुन्हेगारांवर कडक कारवाई करण्याचे संकेत दिले होते.
त्या अनुषंगाने स्थानिक गुन्हे शाखेच्या पथकाने नगरसेवक समद वाहब खान (वय ४७ वर्षे रा.मुकुंदनगर) व शेहबाज उर्फ बाबा उर्फ बाबा अंडा जाफर खान (वय ३२ वर्षे रा.सदर) यांना ताब्यात घेवून नाशिक मध्यवर्ती कारागृहात स्थानबध्द केले आहे.
याबाबत सविस्तर असे की, पोलिस अधीक्षक इशु सिंधु यांनी जिल्हातील वाळू तस्करांसह अवैध व्यावसायिक तसेच रेकॉर्डवरील गुन्हेगारांवर कठोर कारवाई करण्याचे संकेत देत. अशा गुन्हेगारांवर एमपीडीए कायद्याअंतर्गत कारवाई करण्यासाठी पोलिस अधीक्षकांनी जिल्हाधिकारी राहुल व्दिवेदी यांच्याकडे तसा प्रस्ताव पाठवला होता.
जिल्हाधिकाऱ्यांनी या प्रस्तावावर अंतिम निर्णय घेवून समद वाहब खान व शेहबाज उर्फ बाबा उर्फ बाबा अंडा जाफर खान या दोघांवर एमपीडीए कायद्याअंतर्गत कारवाई करण्याच्या प्रस्तावास मंजुरी देवून या दोघांना स्थानबध्द करण्याचे आदेश दिले.
त्यानुसार आता हे दोघेजन दि.१५ जून पासून १ वर्षाच्या कालावधीसाठी नाशिक मध्यवर्ती कारागृहात स्थानबध्द करण्यात आले आहे. या दोघांवर कॅम्प पोलिस स्टेशन, कोतवाली पोलिस स्टेशन, तोफखाना पोलिस स्टेशनमध्ये विविध कलमांअंतर्गत एकूण ८ गुन्हे दाखल आहेत.
ही कारवाई पोलिस अधीक्षक इशु सिंधु यांचे मार्गदर्शन व सुचना तसेच अपर पोलस अधीक्षक सागर पाटील, उपविभागीय पोलिस अधिकारी संदीप मिटके,स्थानिक गुन्हे शाखेचे पोलिस निरीक्षक दिलीप पवार,
सहाय्यक फौजदार मधुकर शिंदे,पोकॉ.किरण जाधव, पोकॉ.सूरज वाबळे, तसेच भिंगार कॅम्प पोलिस ठाण्याचे सहायक पोलिस निरीक्षक राजपूत व महिला पोलिस कर्मचारी वैशाली गायकवाड यांनी ही कारवाई केली.
तसेच आगामी काळात वाळूमाफीया,हातभट्टी दारू,अवैध व्यावसायिक, झोपडपट्टी दादा यांच्या विरूध्द मोक्का कायद्याअंतर्गत कारवाई करणार असल्याचे संकेत पोलिस अधीक्षक इशु सिंधु यांनी दिले आहेत.
- ‘या’ महाराष्ट्र राज्य सरकारी कर्मचाऱ्यांचा डिसेंबर महिन्याचा पगार कापला जाणार ! महत्त्वाचे शासन परिपत्रक जारी
- शेतकऱ्यांसाठी कामाची बातमी….! शेतात जाण्यासाठी नवीन रस्ता हवा असल्यास इथं अर्ज करा, अर्जासोबत ‘ही’ कागदपत्रे जोडा
- महाराष्ट्रातील ‘हा’ चारपदरी महामार्ग लवकरच सहापदरी होणार ! प्रस्ताव झाला मंजूर, केंद्रीय मंत्री नितीन गडकरींची माहिती
- 5 डिसेंबर नंतर आता महाराष्ट्रातील शाळा 9 डिसेंबरला सुद्धा बंद राहणार ! शालेय विद्यार्थ्यांसाठी महत्त्वपूर्ण अपडेट
- देशभरातील शेतकऱ्यांची ‘ही’ मोठी मागणी मान्य होणार ! PM नरेंद्र मोदींच्या निर्णयामुळे शेतकऱ्यांना मिळणार मोठा दिलासा, वाचा….
