ज्या मुलाशी लग्न करेल त्याला मी ठार मारेल धमकावणार्या तरुणास अटक

अहमदनगर लाईव्ह 24
Published on -

अहमदनगर :- उच्चशिक्षित तरुणीच्या नावाचे बनावट फेसबुक अकाउंट तयार करून त्याद्वारे तिची बदनामी करणारा व दोन वर्षांपासून फरार असलेला आरोपी अखेर गजाआड झाला.

आकाश शरद सोनटक्के (सातारा) असे त्याचे नाव आहे. तरुणीच्या अकाउंटद्वारे तो तिच्या भावाला मेसेज करत होता. तुझ्या बहिणीचे लग्न दुसऱ्याशी कसे होते ते पाहतोच, ज्या मुलाशी लग्न करेल त्याला मी ठार मारेल, अशा धमक्या आरोपी फेक अकाउंटवरून तरुणीच्या भावाला देत होता.

याप्रकरणी २०१७ मध्ये गुन्हा दाखल करण्यात आला होता. मात्र, आरोपी तांत्रिक बाबतीत चतूर असल्याने तो पोलिसांना सापडत नव्हता. अखेर सायबर पोलिस ठाण्याचे निरीक्षक प्रभाकर पाटील, उपनिरीक्षक वैभव महांगरे, प्रतीक कोळी आदींनी ही कामगिरी केली.

महत्वपूर्ण बातम्यांसाठी YouTube चॅनेल Subscribe करा
Subscribe

Latest News