प्रताप ढाकणे तुम्ही कोणत्याही पक्षात जा, तुमचा पराभव अटळ आहे.

पाथर्डी :- वंजारींना संधी देऊन राजळे कुटुंबाने समाजाचा सन्मान केला. आमदार मोनिका राजळेंभोवती जेवढ्या संख्येने वंजारी कार्यकर्ते आहेत, तेवढे तुमच्याभोवती किती मराठा कार्यकर्ते आहेत हे दाखवा.

विक्रमराव आंधळे यांच्या पराभवासाठी पळणाऱ्यांना त्यावेळी जात का दिसली नाही, असे सांगत ज्येष्ठ नेते सोमनाथ खेडकर यांनी प्रताप ढाकणेंवर निशाणा साधला. येळी येथे आमदार राजळे यांच्या हस्ते भाटेवाडी रस्त्याच्या भूमिपूजन झाले. यावेळी खेडकर बोलत होते.

रामगिरी महाराज, भाजप तालुकाध्यक्ष माणिक खेडकर, गटनेते सुनील ओव्हळ, उपसभापती विष्णुपंत अकोलकर, सभापती सुभाष केकाण, नगराध्यक्ष डॉ. मृत्युंजय गर्जे, काशी गोल्हार, अंकुश कासुळे, पुरुषोत्तम आठरे, सुनील परदेशी, बडे गुरुजी आदी या वेळी उपस्थित होते.

सरपंच संजय बडे व त्यांच्या समर्थकांनी कार्यक्रमाकडे पाठ फिरवली. खेडकर म्हणाले, क्षत्रिय वंजारी परिषदेच्या कार्यक्रमाला प्रभावती ढाकणे उपस्थित राहतात. त्याच्या दुसऱ्या दिवशी प्रतापरावांचा मतदारसंघात दौरा सुरू होतो.

निवडणूक आली की, लोकांना भावनिक करायचे. नंतर सोयीस्कर तडजोडी करत कार्यकर्त्यांना तोंडघशी पाडायचे, असे उद्योग आता जमणार नाहीत. मंत्री पंकजा मुंडे यांनी बहीण म्हणून मोनिका यांना सर्व ताकद लावून निवडून आणले. तालुका पंकजा यांना नेता मानतो.

आमदारकीसाठी त्यांना पाठबळ दिले जात असेल, तर मोनिकांना जातीच्या नावाने होणारा विरोध म्हणजे पंकजा यांना विरोध आहे. सर्व जाती-धर्माच्या मतदार पंकजा यांच्यावर प्रेम करतो. गोरगरिबांची मने पैशाने जिंकता येणार नाहीत.

तुम्ही कितीही प्रयत्न केला, तरी भाजपची दारे बंद आहेत. मी तालुकाध्यक्ष असताना भाजपमधून तुमची हकालपट्टी केली. कोणत्याही पक्षात जा, तुमचा पराभव अटळ आहे. कितीही देव पाण्यात घाला, राजळेंशिवाय अन्य कुणाचाही विजय होऊ शकत नाही. निवडणूक एकतर्फी होणार, असे खेडकर म्हणाले.

• Railway Stocks : अर्थसंकल्पात रेल्वेसाठी मोठ्या घोषणा होणार ! रेल्वे कंपन्यांच्या शेअरमध्ये झाले बदल
• Ahilyanagar Breaking : राहत्या घरी बिबट्याच्या हल्ल्यात मुलीचा दुर्दैवी मृत्यू, खासदार लंके म्हणाले भावपुर्ण श्रद्धांजली म्हणायलाही…
• Gold Price Today : सोन्या-चांदीच्या दरात बदल ! एका तोळ्यासाठी किती हजार द्यावे लागणार ?
• Tur Price : नवीन तूर बाजारात येण्यापूर्वीच भाव घसरल्याने शेतकऱ्यांना चिंता
• द्राक्ष उत्पादक शेतकरी बदलत्या हवामानामुळे चिंताग्रस्त ! किती दिवस निसर्गनिर्मित संकटांचा सामना ?