केंद्रामध्ये आता परत एकदा एनडीएचे सरकार स्थापन होणार असून सरकार स्थापनेनंतर जनतेला महागाईपासून दिलासा मिळावा याकरिता सरकारच्या माध्यमातून लवकरच काही महत्त्वाचे निर्णय घेतले जातील अशी शक्यता वर्तवण्यात येत आहे. यामध्ये जर आपण काही मीडिया रिपोर्टनुसार बघितले तर केंद्र सरकार देशातील सर्व ग्राहकांना आता गॅस सिलेंडरवर सबसिडी देण्याच्या तयारीत आहे.
याआधी केवळ उज्वला योजनेच्या लाभार्थ्यांनाच गॅस सिलिंडरवर सबसिडी देण्यात येत होती. त्यामुळे सरकारच्या माध्यमातून अशा पद्धतीचा निर्णय घेतला गेला तर गॅस सिलेंडर धारकांना नक्कीच दिलासा मिळेल.
सरकार देणार सर्व ग्राहकांना गॅस सिलेंडरवर सबसिडी?
याबाबत सविस्तर वृत्त असे की,जनतेला महागाईपासून दिलासा मिळावा याकरिता सरकार लवकरच एलपीजी गॅस सिलेंडरवर सबसिडी देणार आहे. याबाबतीत जर आपण काही सूत्रांच्या आणि मीडियाच्या रिपोर्टनुसार बघितले तर सरकार केवळ उज्वला योजनेच्या लाभार्थ्यांनाच नाही तर सर्व गॅस ग्राहकांना आता सिलेंडरवर सबसिडी देण्याच्या तयारीत आहे.
यामध्ये जर आपण उज्वला योजनेच्या दृष्टिकोनातून बघितले तर या योजनेच्या माध्यमातून आतापर्यंत केवळ दारिद्र्यरेषेखालील महिलांना गॅस सिलेंडरवर तीनशे रुपयांच्या सबसिडीचा लाभ देण्यात येत आहे. गॅस सिलेंडरची किंमत पाहिली तर ती 903 रुपये आहे, मात्र अनुदानानंतर त्यांना फक्त 603 रुपये गॅस सिलेंडर साठी मोजावे लागणार आहेत.
परंतु आता सरकार या अनुदानाचा लाभ सर्व ग्राहकांना देणार असून त्यामुळे नागरिकांना खूप मोठा दिलासा मिळण्यास मदत होणार आहे. तसे पाहायला गेले तर या अगोदर प्रत्येकाला गॅस सिलेंडरवर सबसिडी मिळत होती. परंतु कालांतराने ही योजना बंद करण्यात आली होती.
तसेच सरकारच्या माध्यमातून उज्वला योजनेच्या महिला लाभार्थ्यांना वर्षभरात तीन मोफत गॅस सिलेंडर देण्याची घोषणा करणार आहे व अशा पद्धतीचा प्रस्ताव राजस्थान सरकारने आणायला सुरुवात केली असून इतर राज्यातील महिला देखील या संबंधीची मागणी करत आहेत.
निवडणूक निकालानंतर सरकारकडून काही मोठ्या घोषणा होण्याची अपेक्षा
नुकताच लोकसभा निवडणूकीचा निकाल जाहीर झाला व त्यानंतर आता सरकारकडून आणखी काही मोठ्या घोषणा अपेक्षित आहेत. यामध्ये जर आपण सूत्रांनी दिलेल्या माहितीनुसार बघितले तर गॅस सिलेंडरची किंमत शंभर ते तीनशे रुपयांनी कमी होऊ शकते व असे झाले तर गरीब कुटुंबांना नक्कीच महागाईपासून दिलासा मिळण्यास मदत होणार आहे.
तसेच महागाईवर नियंत्रण मिळवण्यासाठी सरकारच्या माध्यमातून अनेक उपाय योजना जाहीर केल्या जाण्याची देखील शक्यता आहे व गॅस सिलेंडर आणि मोफत गॅस सिलेंडर वर सबसिडी हा त्यापैकीच घेण्यात येत असलेल्या एक पावलाचा भाग आहे. सरकारने अशा पद्धतीचा निर्णय घेतला तर सर्वसामान्य कुटुंबांना नक्कीच दिलासा मिळण्यास मदत होणार आहे.
