भारतीय परंपरेमध्ये व्यक्तीच्या भविष्याच्या दृष्टिकोनातून ज्योतिषशास्त्र तसेच अंकशास्त्र व वैदिक शास्त्राला खूप महत्त्व आहे. ज्योतिषशास्त्रामध्ये ग्रह तारे व त्यांचा व्यक्तींच्या राशींवर होणारा म्हणजेच व्यक्तींवर होणारा परिणाम, व्यक्तीच्या जीवनावर होणारा सकारात्मक किंवा नकारात्मक परिणाम आपल्याला पाहता येतो किंवा आपल्याला माहिती होतो.
त्याचप्रमाणे अंकशास्त्रामध्ये तुमच्या जन्मतारखेवरून तुमचा मूलांक काय आहे व त्या मुलांकावरून संबंधित व्यक्तीचे व्यक्तिमत्त्व किंवा स्वभाव आपल्याला ओळखता येतो किंवा सांगता येतो. याच पद्धतीने जर आपण वैदिक शास्त्रानुसार बघितले तर व्यक्तीचे जन्मठिकाण किंवा जन्मवेळ याचा देखील परिणाम व्यक्तीच्या जीवनावर आणि एकंदरीत व्यक्तिमत्त्वावर पडताना आपल्याला दिसून येतो.
म्हणजेच व्यक्तीची जन्मवेळ काय आहे त्यावरून त्या व्यक्तीची संपूर्ण आयुष्यातील प्रगती आपल्याला समजू शकते. त्यामुळे जर आपल्याला आपली जन्मवेळ माहिती असेल तर आपण आपल्या आयुष्याच्या बद्दल काहीतरी माहिती करून घेऊ शकतो.
जन्म वेळेवर ओळखा भविष्य
1- सकाळी चार ते आठ वाजता जन्म झाला असेल तर– ज्या व्यक्तींचा जन्म सकाळी चार ते आठ या वेळेमध्ये झालेला असतो ते लोक महत्त्वाकांक्षी असतात व ते कष्टाळू देखील असतात. या वेळेमध्ये जन्मलेल्या लोकांना जर प्रोत्साहन मिळाले तर हे लोक खूप चांगल्या पद्धतीने काम करून उत्तम असे परिणाम देऊ शकतात.
2- सकाळी आठ ते दुपारपर्यंत जन्म झाला असेल तर– कोणत्याही दिवसाच्या सकाळी आठ व दुपारपर्यंत जन्मलेले लोक हे जीवनामध्ये खूप आशावादी असल्याचे आपल्याला दिसून येते व प्रत्येक गोष्टींमध्ये काहीतरी चांगले करण्याचा किंवा चांगले शोधण्याचा प्रयत्न करतात. काही गोष्टींमध्ये यावेळी जन्मलेले लोक पुढे राहतात व स्वप्नांच्या दुनियेमध्ये ते रममाण असतात त्यांना तसे राहायला आवडते.
3- दुपारी बारा ते चार पर्यंत जन्म झाला असेल तर– जर एखाद्या व्यक्तीचा जन्म दुपारी 12 ते चार या वेळेत झाला असेल तर असे लोक हे जीवनामध्ये खूप ऊर्जावान असतात व दंगामस्ती करायला त्यांना आवडते.
4- सायंकाळी चार ते रात्री आठ वाजता जन्म झाला असेल तर– ज्या व्यक्तींचा जन्म सायंकाळी चार ते रात्री आठ या कालावधीमध्ये झाला असेल तर असे लोक आयुष्यामध्ये समाजापासून दूर राहणे किंवा फटकून राहणे पसंत करतात. इतर व्यक्तीच्या भेटीगाठी करण्यात त्यांना रुची नसते किंवा त्यांना ते आवडतच नाही. जीवनातील कुठलाही मार्ग ते स्वतः निवडतात. यावेळी जन्मलेले लोक प्रामुख्याने कलाकार व विचारवंत असतात किंवा होतात.
5- रात्री आठ ते मध्यरात्री या कालावधी जन्म झाला असेल तर– व्यक्तींचा जन्म रात्री आठ ते मध्यरात्री या कालावधीत झाला असेल तर हे लोक जीवनामध्ये खूप अंतर्मुखी असतात. जे समाजात जगताना ते इतर लोकांशी जास्त कनेक्ट राहत नाही व स्वतःच्या एका आयुष्यामध्ये किंवा वातावरणामध्ये रममान राहतात.
6- मध्यरात्री ते सकाळी चारपर्यंत जन्म झाला असेल तर– ज्या व्यक्तींचा जन्म मध्यरात्रीपासून ते सकाळी चार पर्यंतच्या वेळेमध्ये झालेला असेल असे लोक आयुष्यामध्ये स्वतःच्या स्वप्नात जगतात व अशा स्वप्नाच्या दुनियेत राहिल्याचे त्यांना आवडते. वास्तविक जीवनाशी त्यांना कुठल्याही प्रकारचे देणेघेणे किंवा सोयरसुतक नसते. असे लोक प्रामुख्याने संगीतकार किंवा कलाकार होतात.
( टीप– वरील माहिती वाचकांसाठी माहितीस्तव सादर केलेली आहे. या माहितीविषयी आम्ही कुठल्याही प्रकारचा दावा किंवा समर्थन आम्ही करत नाहीत.)
