श्रीगोंदा :- ढवळगाव ते बेलवंडीफाटा रस्त्यावर खर्च केलेले ३ कोटी ८० लाख खड्ड्यात गेले आहेत. डांबरीकरणास चार महिने उलटत नाही तोच ठिकठिकाणी मोठ्ठे खड्डे पडले आहेत. अनेक ठिकाणी रस्ता खचला आहे, तर काही ठिकाणी डांबरी रस्ता आहे की नाही अशी शंका येते.
बऱ्याच ठिकाणी दीड मीटर रुंदीच्या साईडपट्ट्या केलेल्या नाहीत. बेलवंडीफाटा ते ढवळगाव रस्ता पुढे बेलवंडी रेल्वे स्टेशन व अष्टविनायकांपैकी सिद्धटेककडे जात असल्याने रस्त्यावर सतत वाहतूक असते. परिसरात दोन सहकारी व एक खासगी साखर कारखाना आहे.
कारखाने चालू झाले की, रस्त्यावर खड्ड्यांचे प्रमाण वाढते. अनेक ठिकाणी तुटफूट होते. पाऊस नाही, कारखान्यांचा हंगाम सुरू नसताना रस्ता खराब झाला आहे. रस्ता खचल्यामुळे गाडी चालवताना खड्डे दिसत नाहीत. अचानक समोर खड्डा आल्यानंतर वाहकाचे नियंत्रण जाऊन अपघात होतात.
आमदार राहुल जगताप यांनी या रस्त्यासाठी निधी दिला. ठेकेदाराने कामाचा दर्जा चांगला न राखल्यामुळे रस्त्यावर खड्डे पडत आहेत. सार्वजनिक बांधकामच्या अधिकाऱ्यांनी संबंधित ठेकेदारावर कारवाई करावी, अशी मागणी अतुल लोखंडे यांनी केली.
- ब्रेकिंग : महाराष्ट्र राज्य सरकारी कर्मचाऱ्यांसाठी निघालेत 3 महत्वाचे शासन निर्णय ( GR ), कर्मचाऱ्यांवर काय परिणाम होणार?
- 25 हजार रुपयांची गुंतवणूक आणि 18 लाख रुपयांचे रिटर्न ! पोस्ट ऑफिसची ‘ही’ योजना ठरणार फायदेशीर
- ‘ही’ सिमेंट कंपनी शेअरहोल्डर्सला देणार 80 रुपयांचा लाभांश! शेअर मार्केट गुंतवणूकदारांना कमाईची नवीन संधी
- दारिद्र्यरेषेखालील कुटूंबाला 25 वर्ष मिळणार मोफत वीज ! महाराष्ट्र राज्य शासनाची स्मार्ट योजना गरीब कुटुंबांसाठी ठरणार वरदान
- लाडक्या बहिणींना ऑक्टोबरचा हप्ता कधी मिळणार? आदिती तटकरे यांनी जाहीर केली तारीख
