Old Currency Online Selling:- जर तुम्हाला जुने नाणे आणि नोटा गोळा करण्याची आवड असेल तर तुम्ही सध्या सुरू असलेला एक आकर्षक ट्रेंडमध्ये सहभागी होण्याचा विचार करत असाल. बाजारात अनेक ऑनलाइन प्लॅटफॉर्मवर जुने नाणे आणि नोटांचे लिलाव सुरू झाले आहेत. जिथे लोक एकमेकांशी बोली लावून ती विकत घेत आहेत.
या लिलावांमध्ये उच्च किमतींवर काही नाणी आणि नोटा विकल्या जात आहेत.ज्यामुळे अशा नाणी किंवा नोटा संग्रहित ठेवणाऱ्यांची संख्या दिवसेंदिवस वाढत आहे. काही लोकांना विश्वास आहे की अशा प्रकारे त्यांना जुनी नोटे आणि नाणी विकून चांगली रक्कम मिळवता येईल. त्यामुळे जुनी नोटा आणि नाणी गोळा करण्याची ही क्रेझ आता अधिक लोकप्रिय होऊ लागली आहे. पण यामध्ये एक महत्त्वाचा मुद्दा समोर आला आहे आणि तो म्हणजे या लिलावामध्ये फसवणूक होण्याचे प्रमाण वाढले आहे.
आरबीआयने दिला महत्त्वाचा इशारा
आरबीआयने याबद्दल एक महत्त्वाचा इशारा दिला आहे. रिझर्व्ह बँकेने स्पष्टपणे सांगितले आहे की, जुने नाणे आणि नोटा विकण्यासाठी किंवा लिलावामध्ये सहभागी होण्यासाठी बँकेचे कोणतेही मार्गदर्शन नाही. आरबीआयने आपल्या अधिकृत निवेदनात म्हटले आहे की, आरबीआयच्या नावाचा गैरवापर करून फसवणूक केली जात आहे. यामध्ये फसवणूक करणारे लोक ऑनलाइन प्लॅटफॉर्मवर ग्राहकांना आकर्षित करतात आणि त्यांना वचन देतात की, जुनी नोटा आणि नाणे विकल्याने लाखो रुपये मिळवता येतील. या फसवणुकीमध्ये लोकांना विविध शुल्क, कमिशन किंवा कर भरण्यास सांगितले जाते आणि त्यांना हे समजवले जाते की त्यांचे नाणी विकून मोठा नफा मिळेल.
आरबीआयने या प्रकारच्या फसवणुकीपासून लोकांना सावध राहण्याचा इशारा दिला आहे. आरबीआयने स्पष्ट केले आहे की, बँक कोणत्याही प्रकारच्या शुल्क घेण्याचा किंवा उकळण्याचा अधिकार देत नाही आणि या प्रकारच्या लिलाव किंवा विक्रीमध्ये रिझर्व बँकेचा कोणताही सहभाग नाही. हे लक्षात घेतल्यास जर तुम्ही अशा प्रकारच्या ऑनलाइन प्लॅटफॉर्मवर नाणी विकत असाल किंवा विकत घेत असाल तर तुमच्यासमोर धोका असू शकतो. बऱ्याच वेळा या फसवणुकींमध्ये आरबीआयचे नाव वापरले जाते. कारण लोकांना बँकेच्या नावावर विश्वास असतो आणि ते यामुळे फसवले जातात.
आरबीआयने दिली महत्त्वाची सूचना
यावर आरबीआयने एक महत्त्वाची सूचना दिली आहे की जुन्या नोटा किंवा नाणी विकताना किंवा खरेदी करताना तुम्ही नेहमीच सावध राहा. जर तुम्हाला अशा प्रकारच्या जाहिरातींमध्ये शुल्क भरण्याबाबत माहिती मिळाली किंवा तुम्हाला खोटी वचने दिली जात असल्याचे वाटले तर तुम्ही त्वरित सायबर सेलकडे तक्रार करावी. आरबीआयने यावर कठोर कारवाई करण्याचे आश्वासन दिले आहे आणि नागरिकांना सुरक्षित ठेवण्यासाठी या प्रकारच्या फसवणुकीविरुद्ध बँक कठोर पावले उचलणार आहे.
तुम्ही जर जुनी नाणी आणि नोटा गोळा करत असाल तर हे महत्त्वाचे आहे की तुम्ही फसवणुकीपासून दूर राहा आणि फक्त विश्वसनीय प्लॅटफॉर्मवरच व्यवहार करा. अशा फसवणुकीचे बळी होऊ नका आणि आपल्या पैशांचे नुकसान होऊ न देता सुरक्षिततेची काळजी घ्या.
