गुंटूर : वयाच्या ७४ व्या वर्षी एका महिलेने कृत्रिम गर्भधारणेच्या माध्यमातून जुळ्या मुलींना जन्म दिल्याची सुखद घटना गुरुवारी आंध्रप्रदेशच्या गुंटूर शहरात घडली. लग्नाच्या ५७ वर्षांनंतरदेखील बाळ होत नसलेल्या या वयोवृद्घ दाम्पत्याने आयव्हीएफ तंत्रज्ञानाचा वापर करत बाळाला जन्म दिला.
डॉक्टरांनुसार या वयात आई होण्याचा हा जागतिक विक्रम असून गिनीज बुक ऑफ वर्ल्ड रेकॉर्डमध्ये याची नोंद होण्याची शक्यता आहे. यापूर्वीचा विक्रम स्पेनच्या एका ६६ वर्षीय महिलेच्या नावावर आहे.
पूर्व गोदावरी जिल्ह्यातील नेललापतीर्पाडूमध्ये राहणारे ८० वर्षीय वाय. राजा राव आणि त्यांची पत्नी मंगायम्मा यांना लग्नाच्या ५७ वर्षांनंतर देखील मूलबाळ होत नव्हते. त्यातच शेजारची एक ५० वर्षीय महिला आयव्हीएफ तंत्रज्ञानाने गर्भवती झाल्याची माहिती मंगायम्मा यांच्या कानावर आली होती. यानंतर गेल्यावर्षी या दाम्पत्याने आयव्हीएफ तंत्रज्ञानाची मदत घेण्याचे ठरविले.
त्यानुसार त्यांनी अहिल्या नर्सिंग होम गाठले. दाम्पत्याला बाळाची इच्छा असल्याने डॉक्टरांनी मंगायम्मा यांची कृत्रिम गर्भधारणा केली. यानंतर गेल्या ९ महिन्यांपासून त्या रुग्णालयातच होत्या. अखेर गुरुवारी सकाळी सीझेरियनद्वारे मंगायम्मा यांनी दोन स्त्री अर्भकांना जन्म दिला.
- दिवाळीनंतरही ऑफर्सचा धडाका सुरूच ! डीमार्टमध्ये ‘या’ वस्तूंवर मिळतोय 70% डिस्काउंट
- या बँका देतात 365 दिवसाच्या एफबीवर सर्वाधिक व्याज! FD करण्याआधी नक्की वाचा
- पुण्यातील ‘या’ प्राईम लोकेशनवर असणारे 90 लाखांचे घर आता फक्त 28 लाखात ! Mhada ने जाहीर केली नवीन लॉटरी
- महाराष्ट्रातील ‘या’ कर्मचाऱ्यांना पुन्हा मिळाली 3% महागाई भत्ता वाढ ! दिवाळीनंतर झाला मोठा निर्णय
- एक कोटी रुपयांचे घर खरेदी करण्यासाठी तुमचे वार्षिक उत्पन्न किती असायला हवे ? वाचा सविस्तर
