अहमदनगर Live24 टीम,27 ऑक्टोबर 2020 :-गेल्या वर्षीच्या झेडपीच्या कॉंग्रेसमध्ये असलेल्या डॉ.सुजय विखे यांनी हेलिकॉप्टरने फिरत आपल्या उमेदवारांचा प्रचार केला होता.
दरम्यान प्रचारासाठी हेलिकॉप्टरचा वापर हा त्यावेळी चांगलाच चर्चेचा विषय बनला होता . तसेच या हेलिकॉप्टर वारीवरून विखें देखील चांगलेच चर्चेत राहिलते होते.
एका कार्यक्रमात एका कार्यकर्त्याने त्यांना हेलिकॉप्टर किस्स्यांविषयी आठवण करून दिली. विखेंनी काँग्रेसच्या उमेदवाराचा प्रचार हेलिकॉप्टरच्या माध्यमातून केला होता.
याच विषयी पुढे बोलताना खा.विखे म्हणाले की, आज मी भाजपचा खासदार आहे. आपलं हेलिकॉप्टर तेव्हाही होतं व भविष्यातही फिरत राहणार. त्यावेळी हेलिकॉप्टरमुळं माझं तिकीटही कापलं गेलं होतं.
त्यावेळी मी कॉंग्रेसमध्ये होतो व राष्ट्रवादीशी आघाडी होती. ज्येष्ठ नेते शरद पवार यांनी मला विचारलं होतं की तु आताच हेलिकॉप्टरमध्ये फिरतोस. निवडून कसा येणार? पुढे काय झालं हे सगळ्यांनाच माहिती आहे.
त्यावेळी माझं नुकसान झालं. पण आता वाटतं बरं झालं की त्यांचे तिकिट मिळालं नाही. आज मी पंतप्रधान नरेंद्र मोदी यांच्या पक्षाचा खासदार आहे. आज मी आनंदीतच आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
