Bank Of Baroda FD : एफडी मध्ये गुंतवणूक करणार आहात का मग तुमच्यासाठी बँक ऑफ बडोदाचा पर्याय बेस्ट ठरणार आहे. बँक ऑफ बडोदा आपल्या ग्राहकांना फिक्स डिपॉझिट वर चांगले व्याज देते. खरे तर गेल्या काही महिन्यांच्या काळात देशभरातील बँकांकडून फिक्स डिपॉझिट चे व्याजदर कमी करण्यात आले आहेत.
एसबीआय युनियन बँक ऑफ इंडिया एचडीएफसी अशा अनेक बँकांनी एफडी चे व्याजदर कमी केलेत आणि यामुळे गुंतवणूकदारांची चिंता वाढली. आरबीआयने रेपो रेट मध्ये कपात करण्याचा निर्णय घेतल्यानंतर देशभरातील विविध बँकांकडून एफडी चे व्याजदर कमी करण्यात आलेत.
मात्र बँक ऑफ बडोदा आजही आपल्या ग्राहकांना एफ डी वर चांगले व्याज देते. विशेषतः बँकेकडून चारशे दिवसांच्या एफडी योजनेत गुंतवणूक करणाऱ्यांना चांगले व्याज दिले जात आहे.
बँक ऑफ बडोदाची चारशे दिवसांची एफडी योजना कशी आहे?
मिळालेल्या माहितीनुसार, बँक ऑफ बडोदा एका वर्षांपासून ते 400 दिवसांच्या कालावधीच्या एफडीवर सामान्य ग्राहकांना 6.50% दराने व्याज ऑफर करत आहे.
महत्त्वाची बाब म्हणजे याच कालावधीच्या फिक्स डिपॉझिट योजनेत गुंतवणूक करणाऱ्या सीनियर सिटीजन ग्राहकांना बँक ऑफ बडोदा कडून सात टक्के दराने व्याज दिले जात आहे.
म्हणजेच बँक ऑफ बडोदा मध्ये सिनिअर सिटीजन ग्राहकांनी एफडी केली तर त्यांना अधिकचा परतावा मिळतो. म्हणून जर तुम्ही तुमच्या परिवारातील एखाद्या सीनियर सिटीजन ग्राहकाच्या नावे एफडी करणार असाल तर बँक ऑफ बडोदाच्या एफ डी चा पर्याय तुमच्यासाठी सर्वोत्कृष्ट ठरणार आहे.
चारशे दिवसांच्या एफडी योजनेत गुंतवणूक केल्यास किती रिटर्न मिळणार?
जर एखाद्या सामान्य ग्राहकाने बँक ऑफ बडोदामध्ये चारशे दिवसांसाठी चार लाख रुपयांची एफडी केली तर त्याला चारशे दिवसांचा कालावधी पूर्ण झाल्यानंतर चार लाख 28 हजार 493 रुपये मिळणार आहेत म्हणजेच 28 हजार 493 रुपये व्याज स्वरूपात मिळतील.
तसेच जर समजा एखाद्या सीनियर सिटीजन ग्राहकाने 400 दिवसांच्या एफडी योजनेत चार लाखाची गुंतवणूक केली तर त्याला चारशे दिवसांचा कालावधी पूर्ण झाल्यानंतर चार लाख तीस हजार 685 रुपये मिळणार आहेत. म्हणजे सिनिअर सिटीजन ग्राहकांना चार लाख रुपयांच्या गुंतवणुकीतून 30,685 रुपये व्याज म्हणून मिळतील.
