ओटीटीवर एखादा चित्रपट किंवा वेब सिरीज रिलीज होताच प्रेक्षक त्यावर तुटून पडतात. पण त्या पडद्यामागे काय चाललं असतं, याचा अंदाजही अनेकदा लोकांना येत नाही. जेव्हा निर्माते एका एपिसोडवर शेकडो कोटी रुपये खर्च करतात, तेव्हा ते फक्त करमणूक नाही, तर भल्याभल्यांच्या कल्पनाशक्तीला हादरवणारा अनुभव बनतो. अशा एका वेब सिरीजबद्दल आपण बोलतो आहोत, जिच्या निर्मितीचा खर्च, एका एपिसोडवर उडवलेले पैसे, आणि संपूर्ण प्रोडक्शनमागील आकडे इतके प्रचंड आहेत, की ते ऐकून तुमचाही श्वास क्षणभर थांबेल.
‘स्टार वॉर्स: द फोर्स अवेकन्स’
या मालिकेचं नाव ‘स्टार वॉर्स: द फोर्स अवेकन्स’ असून ती आधुनिक सिनेविश्वाच्या इतिहासातला एक अत्युच्च शिखर आहे. हा चित्रपट, जो प्रत्यक्षात 2015 मध्ये प्रदर्शित झाला, तो नंतर ओटीटी प्लॅटफॉर्मवरही धुमाकूळ घालू लागला. पण खास गोष्ट ही की, त्याच्या प्रत्येक एपिसोडसाठी सुमारे 480 कोटी रुपये खर्च करण्यात आले. होय, एका एपिसोडमागे तब्बल 480 कोटी रुपये! ही केवळ एखाद्या प्रचंड बजेटच्या सिनेमाची बाब नाही, तर ती जगातील सर्वात महागड्या सिरीजपैकी एक मानली जाते.
‘द फोर्स अवेकन्स’ ही स्टार वॉर्स फ्रँचायझीतील सातवी कडी होती आणि याच चित्रपटाने नवीन ट्रायलॉजीची सुरुवात केली. जे. जे. अब्राम्स यांच्या दिग्दर्शनाखाली तयार झालेल्या या चित्रपटात हॅरिसन फोर्ड, कॅरी फिशर यांसारख्या दिग्गज कलाकारांबरोबर डेझी रिडले, जॉन बोयेगा आणि अॅडम ड्रायव्हरसारखे नवखे चेहरेही झळकले. सध्याच्या OTT जगतात या चित्रपटाने केवळ दिग्दर्शन नव्हे तर निर्मितीच्या दर्जातही उच्चांक गाठला.
एकूण प्रोडक्शन खर्च
अहवाल सांगतात की, एकूण प्रोडक्शनवरच सुमारे 465 दशलक्ष डॉलर्स म्हणजे जवळपास 3,800 कोटी रुपये खर्च झाले. एवढा खर्च करूनही निर्मात्यांनी केवळ नाव कमावलं नाही, तर प्रचंड कमाईही केली. जगभरात या चित्रपटाने जवळपास 2.07 अब्ज डॉलर्स म्हणजेच 17,200 कोटी रुपयांची कमाई केली. हे आकडे पाहिले की जाणवतं, की प्रेक्षक अनुभवासाठी किती पैसे मोजायला तयार असतात आणि निर्माते त्या अनुभवासाठी किती दूर जातात.
या चित्रपटाची कथा ‘रिटर्न ऑफ द जेडी’ (1983) च्या 30 वर्षांनंतरची आहे. नवीन साम्राज्य ‘फर्स्ट ऑर्डर’ आणि त्याच्या विरोधात उभी राहिलेली ‘रेझिस्टन्स’ यांच्यातला संघर्ष, एक भंगार गोळा करणारी तरुणी ‘रे’, एका फसलेल्या स्टॉर्मट्रूपरची कथा, हान सोलोचं पुनरागमन आणि ल्यूक स्कायवॉकरचा शोध यामुळे ही कथा एक भावनिक, साहसिक आणि गूढ प्रवास बनते.
