Post Office FD Scheme : पोस्ट ऑफिसच्या एफडी स्कीम मध्ये गुंतवणूक करण्याच्या तयारीत आहात का मग आजची बातमी खास तुमच्यासाठी. खरे तर, गेल्या काही दिवसांच्या काळात बँकांच्या एफडी योजनेचे व्याजदर मोठ्या प्रमाणात कमी करण्यात आले आहेत. रिझर्व बँक ऑफ इंडियाने गेल्या काही महिन्यांच्या काळात रेपो रेट मध्ये मोठी कपात केली आहे.
रिझर्व बँक ऑफ इंडियाने रेपो रेटमध्ये कपात करण्याचा निर्णय घेतल्यानंतर देशभरातील बँकांकडून एफडीचे व्याजदर कमी करण्यात आलेत. मात्र, आजही पोस्ट ऑफिसच्या बचत योजनेत गुंतवणूक करणाऱ्या गुंतवणूकदारांना चांगले व्याज मिळत आहे.
पोस्ट ऑफिसच्या एफडी योजनेतुन देखील गुंतवणूकदारांना चांगले रिटर्न दिले जात आहे. यामुळे अनेक जण पोस्टाच्या एफडी योजनेत गुंतवणुकीच्या तयारीत आहे. अशा स्थितीत आज आपण पोस्ट ऑफिसच्या एफडी योजनेची माहिती जाणून घेऊया.
कशी आहे पोस्टाची एफडी योजना ?
पोस्ट ऑफिस कडून विविध बचत योजना राबवल्या जातात. पोस्ट ऑफिस टाईम डिपॉझिट योजना देखील अशी बचत योजना आहे ज्याला पोस्टाची एफडी योजना म्हणूनही ओळखली जाते. पोस्ट ऑफिसची टाईम डिपॉझिट योजना एक वर्ष, दोन, तीन आणि पाच वर्ष कालावधीची आहे.
यातील एका वर्षाच्या एफडी योजनेत गुंतवणूक करणाऱ्या गुंतवणूकदारांना 6.9% दराने, दोन वर्षांच्या एफडी योजनेत गुंतवणूक करणाऱ्यांना सात टक्के दराने, तीन वर्षांच्या FD योजनेत गुंतवणूक करणाऱ्यांना 7.10% दराने आणि पाच वर्षांच्या एफडी योजनेत गुंतवणूक करणाऱ्यांना 7.50% दराने व्याज दिले जात आहे.
पोस्टाच्या पाच वर्षांच्या एफडी योजनेत 11 लाखांची गुंतवणूक केल्यास किती रिटर्न मिळणार ?
पोस्ट ऑफिसच्या टाईम डिपॉझिट योजनेत म्हणजेच एफडी योजनेत 5 वर्षांसाठी अकरा लाख रुपयांची गुंतवणूक केली तर त्यांना 7.50% दराने चार लाख 94 हजार 943 रुपये व्याज मिळणार आहे. म्हणजेच पोस्ट ऑफिसच्या एफडी योजना तक्रार लाखांची गुंतवणूक करणाऱ्या गुंतवणूकदाराला 15,94,943 रुपये मिळतील.
एकंदरीत बँकेच्या पाच वर्षांच्या एफडी योजनेपेक्षा पोस्टाच्या एफडी योजनेत ग्राहकांना अधिकचे व्याज दिले जात आहे. त्यामुळे सर्वसामान्य महिला वर्गांसाठी तसेच ज्येष्ठ नागरिकांसाठी पोस्ट ऑफिसची एफडी योजना फायद्याची ठरणार आहे.
