Post Office TD Scheme : पोस्ट ऑफिसच्या बचत योजनेत गुंतवणूक करायची असेल तर आजची ही बातमी तुमच्या कामाची ठरणार आहे. आज आपण पोस्टाच्या अशा एका सुरक्षित बचत योजनेची माहिती पाहणार आहोत जिथे गुंतवणूक केल्यास गुंतवणूकदारांना चांगले विक्रमी व्याज मिळणार आहे.
पोस्टाकडून सर्वच वयोगटातील नागरिकांसाठी बचत योजना राबवल्या जात आहेत. यातीलच एक बचत योजना म्हणजेच पोस्टाची टाईम डिपॉझिट योजना. पोस्टाच्या टाईम डिपॉझिट योजनेला पोस्टाची एफडी योजना म्हणूनही ओळखतात. कारण की या योजनेच स्वरूप पूर्णपणे एफडी प्रमाणे असते आणि यात गुंतवणूक करणाऱ्यांना एफडीपेक्षा अधिक व्याज मिळते.
खरंतर यावर्षी आरबीआयने रेपो रेट मध्ये एक टक्क्यांची कपात केली आहे आणि या निर्णयानंतर देशभरातील बँकांनी एफडीच्या व्याजदरात सुद्धा कपात करण्याचा निर्णय घेतला आहे. यामुळे आता ग्राहक एफडीऐवजी इतर सुरक्षित ठिकाणी बचत करण्याला प्राधान्य देत आहेत.
एफ डी मधील गुंतवणूक गुंतवणूकदारांना परवडत नाहीये. दरम्यान जर तुम्हालाही एफडी मधून चांगले रिटर्न मिळत नाहीत असे वाटत असेल तर तुमच्यासाठी पोस्टाची एफडी योजना म्हणजेच टाईम डिपॉझिट योजना एक बेस्ट पर्याय राहणार आहे. दरम्यान, आता आपण या पोस्टाच्या एफडी योजनेची डिटेल माहिती जाणून घेऊया.
कसे आहे पोस्टाच्या एफडी योजनेचे स्वरूप ?
पोस्ट ऑफिसची एफडी योजना एक वर्ष, दोन वर्ष, तीन वर्ष आणि पाच वर्ष कालावधीची आहे. यामध्ये गुंतवणूक करणाऱ्या गुंतवणूकदारांना 6.9% पासून ते 7.50% पर्यंत व्याज मिळते. एका वर्षाच्या एफडी योजनेत गुंतवणूक करणाऱ्यांना 6.9% व्याज दिले जाते.
दोन वर्षांच्या योजनेत गुंतवणूक करणाऱ्यांना सात टक्के दराने व्याज मिळते. तीन वर्षांच्या टीडी योजनेत गुंतवणूक केली तर 7.10% दराने व्याज मिळते. तसेच पाच वर्षांच्या टीडी योजनेत गुंतवणूक केल्यास 7.50% दराने व्याज दिले जात आहे.
एक लाखाच्या गुंतवणुकीवर मिळणार 23 हजाराचे व्याज
पोस्ट ऑफिसच्या टाईम डिपॉझिट योजनेत तुम्ही एक लाखाची गुंतवणूक केली तर तुम्हाला 23 हजार रुपयांचे व्याज मिळणार आहे. पोस्टाच्या तीन वर्षांच्या टाईम डिपॉझिट योजनेत तुम्ही एक लाख रुपये गुंतवले तर तुम्हाला 7.10% दराने मॅच्युरिटीवर एक लाख 23 हजार 508 रुपये मिळणार आहेत म्हणजेच तुम्हाला 23 हजार 508 रुपये व्याज स्वरूपात रिटर्न मिळतील.
