अहमदनगर Live24 टीम, 7 नोव्हेंबर 2020 :-गर शहरात सुरू झालेल्या रस्ते पॅचिंगच्या कामांची महापाैर बाबासाहेब वाकळे यांनी पाहणी करून, ही कामे दर्जेदार करण्याचे आदेश त्यांनी महापालिकेच्या बांधकाम विभागाला दिले.
शहर अभियंता सुरेश इथापे, अभियंता मनोज पारखे, पुष्कर कुलकर्णी, नीलेश जाधव आदी यावेळी उपस्थित होते. महापौर वाकळे म्हणाले, नगर शहरात झालेल्या पावसामुळे रस्त्यावर खड्डे पडले होते.
खड्ड्यामुळे नागरिकांना त्रास सहन करावा लागला परंतु पावसामध्ये डांबराने खड्डे बुजवण्याचे काम हाती घेता आले नाही. आता पाऊस थांबल्यामुळे पॅचिंगची कामे सुरू करण्यात आली.
पॅचिंगच्या कामाची पाहणी केली. संबंधित शहर अभियंता यांना पॅचिंगचे काम दर्जेदार करण्याच्या सूचना दिल्या आहेत. कामात हलगर्जीपणा झाल्यास संबंधितांवर कारवाई करण्यात येईल.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
