अहमदनगर Live24 टीम, 7 नोव्हेंबर 2020 :- जिल्ह्यात अवैध धंद्यांचा सुळसुळाट झाला आहे. मटका, जुगार, गुटखा विक्री, अवैध दारू विक्री अशा घटना वाढू लागल्या आहेत. पोलिसांनी देखील आक्रमक भूमिका घेत छापा सत्र सुरूच ठेवले आहे.
नुकतीच कर्जत उपविभागीय पोलीस अधिकारी अण्णासाहेब जाधव यांच्या पथकाने कुळधरण येथे कल्याण मटका अड्ड्यावर छापा टाकून एकास अटक केली आहे. या छाप्यात पोलिसांनी देविदास तात्याबा उदमले, रा. कुळधरण (वय- ४९) यास अटक केली असून त्याच्या विरोधात कर्जत पोलीस स्टेशनमध्ये गुन्हा दाखल केला आहे.
मिळालेल्या माहितीनुसार, कुळधरण येथे देविदास उदमले हा चिठ्ठीवर आकडे लिहून त्यावर पैसे घेवुन कल्याण मटका नावाचा हारजीतीचा जुगार खेळत व खेळवित असल्याची माहिती डीवायएसपी अण्णासाहेब जाधव यांना गुप्त बातमीदाराकडून समजली. त्यानुसार पोलीस पथकाने खासगी वाहनाने कुळधरण येथे जावून कारवाई केली.
एसटी स्टॅन्डसमोर एका टपरीच्या आडोशाला चिठ्ठीवर आकडे लिहुन त्यावर पैसे घेताना आढळून आल्याने देविदास उदमले याची झडती घेण्यात आली. या झडतीमध्ये पोलिसांना 10,20, 50,100 रुपयांच्या नोटा असलेली 5310 रुपयांची रोकड रक्कम आढळून आली. पोलीस कर्मचारी सागर जंगम यांनी या प्रकरणी कर्जत पोलीस स्टेशनमध्ये फिर्याद दिली आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
