अहमदनगर Live24 टीम, 10 नोव्हेंबर 2020 :-कत्तलीसाठी पीकअपमधून नेण्यात येणाऱ्या ३ गायी व २ वासरांची सुटका आश्वी पोलिसांनी केली.
ही कारवाई शनिवारी रात्री ८.३० वाजता निमगावजाळीतील हॉटेल गोविंद गार्डन परिसरात झाली. वाहनचालकावर पोलिसांनी गुन्हा दाखल केला.
कोल्हार-घोटी महामार्गावरुन चाललेल्या पीकअपमध्ये (एमएच १२ डीजी ८६३) कत्तलीसाठी जनावरे नेली जात असल्याची माहिती पोलिसांना मिळाली. सापळा रचून त्यांनी वाहन अडवले.
तपासणी केली असता तीन गायी व दोन वासरे आढळली. कॉन्स्टेबल नीलेश दादासाहेब वर्पे यांनी दिलेल्या फिर्यादीवरून चालक गुफरान नसीर कुरेशी (संगमनेर) याच्यावर गुन्हा दाखल करण्यात आला.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
