चेन्नई : तामिळनाडूतील एका ठगाने, आपण पोलीस दलात एन्काऊंटर स्पेशल असल्याची बतावणी करत एक नव्हे,दोन नव्हे तर चक्क सात महिलांशी विवाह केला. या तोतया पोलिसाला चेन्नई पोलिसांनी अटक केली आहे.
केवळ ७ वी पर्यंतचे शिक्षण घेणाऱ्या तिरूपूर येथील राजेश पृथ्वी याने २०१७ मध्ये चेन्नईतील नेल्सन मणिक्कम रोडवर एक टेलिमार्केटिंग कपनी उघडली. तो या कंपनीच्या माध्यमातून लोकांना फोन करून त्यांच्या मुलाला मेडिकल कॉलेजमध्ये प्रवेश देण्याचे आमिष दाखवत पैसा लुटत असे.
या कामासाठी राजेशने २२ महिलांना नियुक्त केले होते. याच कंपनीच्या माध्यमातून त्याने महिलांना आपल्या जाळ्यात खेचण्यास सुरुवात केली. महिलांना जाळ्यात ओढत असताना, आपला पोलीस वेषातील फोटो दाखवून आपण पोलीस दलात काम करत असताना एन्काऊंटर स्पेशालिस्ट होतो; परंतु आता नोकरी सोडली असल्याची बतावणी तो करत असे.
अशाप्रकारे एक-दोन नव्हे,तर चक्क सात महिलांना आपल्या प्रेमाच्या जाळ्यात ओढले आणि त्यांच्याशी विवाहही केले. इतकेच काय यातील सहा महिलांवर त्याने लैंगिक अत्याचार केले असल्याचे उजेडात आले आहे.
तामिळनाडूतील त्रिची, कोईम्बतूर, तिरूपूर, तिरुपती आणि कालाहस्ती येथील अनेक पोलीस ठाण्यांत अशाप्रकारे विवाह करून महिलांची फसवणूक करणे, त्यांच्यावर लैंगिक अत्याचार करणे असे गुन्हे दाखल आहेत
- ‘या’ 5 कंपन्या शेअर होल्डर्सला देणार Dividend ! गुंतवणूकदारांना कमाईची मोठी संधी
- लाडक्या बहिणींसाठी आत्ताची सर्वात मोठी बातमी ! E-Kyc साठी आता ‘ही’ अट पण झाली शिथिल
- गॅस ग्राहकांसाठी आनंदाची ! महिन्याच्या पहिल्याच दिवशी गॅस सिलेंडरचे रेट झालेत कमी
- महाराष्ट्र राज्य सरकारी कर्मचाऱ्यांसाठी आणि अधिकाऱ्यांसाठी फडणवीस सरकारचे महत्त्वाचे आदेश! आता….
- पश्चिम रेल्वेचा महाराष्ट्रातील रेल्वे प्रवाशांसाठी मोठा निर्णय ! राज्यातील ‘या’ 9 स्थानकातून धावणार नवीन एक्सप्रेस ट्रेन, कसा असणार रूट?
