अहमदनगर Live24 टीम, 26 नोव्हेंबर 2020 :-राष्ट्रीय जनता दलाचे अध्यक्ष लालू प्रसाद यादव यांनी कारागृहातूनच भाजप आमदार ललन पासवान यांना फोन केल्याप्रकरणी लालूंविरोधात पाटणा येथील पोलीस ठाण्यात FIR दाखल करण्यात आली आहे.
यामुळे लालूंच्या अडचणीत चांगलीच भर पडली आहे. आमदार ललन पासवान यांनीच लालूंविरोधात तक्रार केली आहे. त्यांनी लालू प्रसाद यादव यांच्यावर भ्रष्टाचाराचा आरोप केला आहे. या सर्व घडामोडींच्या पार्श्वभूमीवर लालूंना भाजप आमदाराला केलेला फोन महागात पडल्याचं दिसत आहे.
लालू चारा घोटाळ्या प्रकरणी शिक्षा भोगत आहेत. मात्र, काही दिवसांपूर्वीच तब्येतीच्या कारणामुळे त्यांना रांची येथील एका बंगल्यात ठेवण्यात आले होते. मात्र, फोन प्रकरणानंतर त्यांना लगेचच रिम्समधील खासगी वार्डात शिफ्ट करण्यात आलं. भाजपने लालू प्रसाद यादव यांच्यावर तुरुंगात शिक्षा भोगत नसून बंगल्यात आराम करत असल्याचाही आरोप केला होता.
लालूंवर तुरुंगातून भाजप आमदार ललन पासवान यांना फोन करत आमिष दाखवण्याचा आरोप आहे. ललन पासवान म्हणाले, ‘लालू यादव यांनी मला मंत्रिपद देण्याचं आमिष दाखवलं आणि बिहार विधानसभेच्या सभापतींच्या निवडीच्या वेळी गैरहजर राहण्यास सांगितलं.
मात्र, मी भाजपसोबतच आहे.’ यावरुन हिंदुस्तानी आवाम मोर्चाचे (HAM) अध्यक्ष जीतनराम मांझी म्हणाले, ‘लालू प्रसाद यादव यांनी अनेक लोकांना फोन केल्याची माहिती मला मिळाली आहे. ते माझ्याशी देखील बोलू इच्छित होते, पण मी बोलण्यास नकार दिला.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
