अहमदनगर Live24 टीम, 06 डिसेंबर 2020 :-श्रीगोंदा तालुक्यातील काष्टी येथील जाणता राजा व शिवकृपा पानसेंटरवर छापा टाकत सुमारे आठ लाख रुपये किमतीचा गुटखा व एक मारुती कार जप्त करण्यात आली.
श्रीगोंदा पोलिसांनी ही कारवाई केली असून या कारवाईने अवैध धंद्यांचे धाबे चांगलेच दणाणले आहे. दरम्यान या गुटखा प्रकरणी काष्टी येथील सचिन पांडुरंग कोकाटे व दीपक नाना टकले या गुटकाकिंगाना अटक करण्यात आली आहे.
याबाबत सविस्तर माहिती अशी कि, काष्टीतील पानटपऱ्या मध्ये गुटखा असल्याची माहिती पोलीस निरीक्षक रामराव ढिकले यांना मिळाली. यावरून त्यांनी तात्काळ आपल्या पथकाला सूचना दिल्या.
त्यानुसार दोन टपऱ्यावर छापे टाकत तीन व पाच लाखाचा गुटका जप्त करण्यात आला. तसेच गुटखा वाहतूक करणारी मारुती कार जप्त करण्यात आली.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
