अहमदनगर :- जिल्ह्यातील राजकारण घराणेशाही पद्धतीचे असून त्याच त्या नेत्यांना किंवा त्यांच्या कुटुंबातील सदस्यांना राजकारणातील विविध पदांवर संधी मिळत असते. या नेत्यांचा हक्काच मतदार असल्याचे मानले जाते.
विविध माध्यमांतून नेत्यांशी, त्यांच्या संस्थांशी बांधली गेलेली ही मंडळी आपल्या नेत्यांकडे पाहूनच मतदान करीत असल्याचा अनुभव आहे. त्यामुळे येथील निवडणूक लढविण्याची पद्धत, प्रचाराची पद्धतही त्यानुसार आखलेली होती.
अलीकडे मात्र मतदारांमध्ये तरुणाईची संख्या वाढत आहे. आता ते प्रमाण ४५ टक्क्यांपर्यंत जाऊन पोहोचले आहे. त्यामुळे नेत्यांनाही आपल्या पद्धतीत बदल करणे भाग पडत असल्याचे दिसून येते.
विधानसभा निवडणुकीसाठीच्या मतदार यादीमध्ये १८ लाख ५ हजार ५२६ पुरुष, १६ लाख ६२ हजार ८३४ महिला व १६२ इतर असे एकूण ३४ लाख ६८ हजार ५२२ मतदार आहेत. यामध्ये तब्बल ४५ टक्के मतदार हे वय वर्ष चाळीशीच्या आतमधील आहेत.
जिल्ह्यातील बारा मतदारसंघामध्ये मिळून १८ ते १९ या वयोगटातील ८० हजार ३८ मतदार आहेत. हे सर्व मतदार विधानसभा निवडणुकीमध्ये प्रथमच मतदानाचा हक्क बजावणार आहेत.
वयोगटानुसार असे आहेत मतदार :
१८ ते १९ वयोगट : ८० हजार ३८
२० ते २९ वयोगट : ७ लाख १० हजार ६८५
३० ते ३९ वयोगट : ७ लाख ७० हजार ४१०
४० ते ४९ वयोगट : ७ लाख १९ हजार ७४०
५० ते ५९ वयोगट : ५ लाख ३२ हजार ९८८
६० ते ६९ वयोगट : ३ लाख ४० हजार ७१४
७० ते ७९ वयोगट : २ लाख १ हजार ५६२
८० ते ८९ वयोगट : ९४ हजार ६३५
९० ते ९९ वयोगट : १५ हजार ८४८
वय वर्ष ९९ च्या पुढील मतदार : १ हजार ९०२
- रोड ट्रिपवर जाताना बॅगमध्ये ‘या’ वस्तु आठवणीने ठेवाच, प्रवास होईल एकदम खास!
- मातीशी नाळ जपणारा नेता! कुस्ती आखाड्यात नगरकरांनी अनुभवला सुजय विखे पाटलांचा साधेपणा
- भारतातील सर्वाधिक Top 9 श्रीमंत राज्यांची यादी जाहीर ! पहिल्या क्रमांकावर कर्नाटकाची बाजी, महाराष्ट्राचा नंबर कितवा ?
- फेंगशुईनुसार बनवा घरातील किचन, कायम बरसेल धन-सुखाची कृपा!
- सर्वाधिक विक्री होणारा Samsung Galaxy S24 FE तब्बल 24 हजारांनी स्वस्त! पाहा कुठे सुरुये ही भन्नाट डील?
