नवी दिल्ली : केंद्रीय गृहमंत्री तथा भाजपा नेते अमित शाह यांनी गुजरात क्रिकेट असोसिएशनच्या अध्यक्षपदाचा राजीनामा दिला आहे. पंतप्रधान नरेंद्र मोदी यांच्या राजीनाम्यानंतर २०१४ साली अमित शाह यांनी हे पद सांभाळले होते.
त्यांना गुजरात क्रिकेट असोसिएशनच्या अध्यक्षपदावर बिनविरोध निवडण्यात आलेले होते. मोदींनी पंतप्रधानपदाचा पद्भार घेतल्यानंतर हे पद सोडले होते. गुजरात क्रिकेट असोसिएशनचे उपाध्यक्ष तथा राज्यसभा खासदार परिमल नथवाणी हे तत्कालीन उपाध्यक्ष होते आणि त्यांनी शाह यांच्या नावाचा प्रस्ताव मांडला होता.
तत्पूर्वी १५ सप्टेंबर २००९ रोजी तत्कालीन काँग्रेस नेते नरहरी अमीन यांच्याकडून मोदी यांनी या पदाचा पद्भार घेतला होता. यानंतर अमीन भाजपात सहभागी झाले होते. गुजरातचे माजी गृहमंत्री तथा मोदींचे सहकारी अमित शाह यांना गुजरात क्रिकेट असोसिएशनचे उपाध्यक्ष म्हणून निवडण्यात आले होते.
नवीन अध्यक्षासाठी गुजरात क्रिकेट असोसिएशनला थोडो दिवस वाट पहावी लागणार आहे. २०१७ मध्ये सर्वोच्च न्यायालयाने बोर्ड आणि राज्य असोसिएशनच्या सर्व अयोग्य पदाधिकाऱ्यांना आपले पद सोडण्याचे आदेश दिलेले होते.
याच्या अनुषंगाने अनेक राजकारणी लोकांनी आपली पदे सोडली होती. राजीनामा देणाऱ्यांमध्ये शरद पवार (मुंबई क्रिकेट असोसिएशन), राजीव शुक्ला (उत्तर प्रदेश क्रिकेट असोसिएशन), ज्योतिरादित्य सिंधीया (मध्य प्रदेश क्रिकेट असोसिएशन) आणि रणजीत बिस्वाल (ओरिसा क्रिकेट असोसिएशन) आदींचा समावेश होता. परंतु अमित शाह अजूनही या पदावर कायम होते.
- South Indian Bank Jobs: साउथ इंडियन बँकेत पदवीधरांना नोकरीची सुवर्णसंधी! अर्ज कसा करायचा जाणून घ्या संपूर्ण माहिती….
- संगमनेर मध्ये आमदार अमोल खताळ करतायेत तरी काय ? एक रुपया निधी न आणता उद्घाटन….
- सुप्रीम कोर्टाचा सुप्रीम निर्णय ! सातव्या वेतन आयोगातील ‘या’ राज्य सरकारी कर्मचाऱ्यांचा महागाई भत्ता (DA) वाढवण्याचे आदेश
- राज्यातील दहावी आणि बारावीच्या विद्यार्थ्यांसाठी महत्वाची बातमी ! महाराष्ट्र राज्य सरकारने घेतला मोठा निर्णय
- महाराष्ट्राला सुमारे 500 कोटी रुपयांचा नवा रेल्वे मार्ग मिळणार ! प्रवाशांचा प्रवास होणार सुपरफास्ट
