अहमदनगर Live24 टीम, 5 जानेवारी 2021 :- आजकाल अशी व्यक्ती शोधूनही सापडणार नाही. ज्यांचे बँक खाते नसेल आणि डेबिट किंवा क्रेडिट कार्डदेखील नसेल.
आता डेबिट-क्रेडिट कार्ड असल्याने आपल्याला कोणत्याही ठिकाणी पैसे देणे खूप सोपे होते आणि आपण कोणतीही वस्तू कॅश शिवाय सहज खरेदी करू शकतो.
ऑनलाईन शॉपिंगच्या डिजिटल सुविधेतून मिळणार्‍या सोयी आपल्याला माहिती आहेत. मात्र हे व्यवहार करताना आपण अधिक जागरूक राहिले पाहिजे.
थोडीसा निष्काळजीपणा आपले बँक खाते रिकामे करू शकतो. या पेक्षा धक्कादायक बाब म्हणजे हे एका क्षणात घडू शकते. म्हणजेच, तुम्ही निवांत घरी बसलेले असाल आणि तुमचे पैसे तुमच्या बँक खात्यातून गायब झालेले असतील.
अलीकडेच, एक अहवाल आला आहे ज्यामुळे क्रेडिट आणि डेबिट कार्ड वापरकर्त्यांची थोडीशी चिंता वाटेल एका माहितीनुसार, सुमारे 10 कोटी डेबिट आणि क्रेडिट कार्ड वापरकर्त्यांचा डेटा लीक झाला आहे
आणि यामुळे तुमच्या खात्यावर कधीही सायबर चोरांची नजर पडू शकते. म्हणूनच सावधगिरी बाळगणे आणि आपल्या खात्याच्या व्यवहारावर लक्ष ठेवणे महत्वाचे आहे.
अशा परिस्थितीत आपण काही आवश्यक खबरदारी घ्यावी. कार्ड धारकांची वैयक्तिक माहिती डार्क वेबवर विकली जात असल्याचे सांगितले जात आहे. ज्यांची माहिती लीक झाली आहे,
त्यामध्ये बँक खातेधारकांची नावे, त्यांचा फोन नंबर, क्रेडिट किंवा डेबिट कार्डच्या सुरूवातीस आणि शेवटी चार क्रमांकासह मेल आयडी आहेत.
या कार्ड वापरकर्त्यांचा डेटा Juspay नावाच्या पेमेंट गेटवे वरून लिक झाली आहे. ज्युस्पे अ‍ॅमेझॉन ऑनलाइन फूड बुकिंग प्लॅटफॉर्म स्विगी आणि मेक माय ट्रिपच्या बुकिंग पेमेंटवर प्रक्रिया करते.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved
