पुद्दुचेरी:- पुद्दुचेरीचे सार्वजनिक बांधकाममंत्री ए. नमासीवायम यांच्या निवासस्थानी बाॅम्ब ठेवल्याची खोटी माहिती दिल्याच्या आरोपावरून एका व्यक्तीला पोलिसांनी अटक केली आहे. पोलिसांनी सांगितले की, एका अज्ञात व्यक्तीने गुरुवारी रात्री पोलिस नियंत्रण कक्षात फोन करून नमासीवायम यांच्या निवासस्थानी बाॅम्ब ठेवला असल्याची माहिती दिली होती.
त्यानंतर पोलिसांनी निवासस्थानाची तपासणी केली, पण तेथे काहीही आढळले नाही. बाॅम्बची माहिती खोटी आहे हे स्पष्ट झाल्यानंतर पोलिसांनी फोन करणाऱ्या व्यक्तीचा शोध सुरू केला. त्याला गुरुवारी रात्री उशिरा कलपेट भागातून अटक करण्यात आली.
त्याचे नाव भुवनेश (१९) असे असून तो तामिळनाडूच्या विलिप्पुरम जिल्ह्यातील रहिवासी आहे. भुवनेशने अलीकडेच मुख्यमंत्री व्ही. नारायणस्वामी आणि लोककल्याणमंत्री कांडासामी यांच्या निवासस्थानीही बाॅम्ब ठेवल्याची खोटी माहिती दिली होती.
- अनुसूचित जाती, नवबौद्ध बचत गटांसाठी मिनी ट्रॅक्टरवर ९०% अनुदान; फक्त ३५ हजारांत मिळणार ट्रॅक्टर
- मुख्याध्यापक व शिक्षकांसमोर दुहेरी कोंडी; सीटीईटी परीक्षा की निवडणूक कर्तव्य?
- प्रायव्हेट जेट बुक करणं सामान्य माणसालाही शक्य? जाणून घ्या खर्च, प्रक्रिया आणि वास्तव
- आयुष्मान भारत योजना : ७० वर्षांवरील नागरिकांना कसा मिळतो १० लाख रुपयांपर्यंत मोफत उपचारांचा लाभ?
- वारकऱ्यांच्या सोयीसाठी भुसावळ-पंढरपूर नियमित रेल्वेची जोरदार मागणी; कायमस्वरूपी एक्स्प्रेस कधी सुरू होणार?
