अहमदनगर Live24 टीम, 25 जानेवारी 2021 :-सरकारने ज्येष्ठ नागरिकांना सतर्कतेच इशारा दिला आहे. ‘COVID – 19 लसीकरण’ साठी ज्येष्ठ नागरिकांना ‘ड्रग अ‍ॅथॉरिटी ऑफ इंडिया’ चे अधिकारी म्हणून फोन कॉल करणारे आणि त्यांचा वैयक्तिक तपशील – आधार (आधार) आणि ओटीपी विचारणा करणाऱ्या भामट्यांविरुद्ध सरकारने चेतावणी दिली आहे.
ड्रग अथॉरिटी ऑफ इंडियाकडून असल्याचा दावा करणारे काही फसवे लोक ज्येष्ठ नागरिकांना त्यांच्या COVID-19 च्या लस वाटपासाठी आधार व ओटीपीची पुष्टी देण्यास सांगत आहेत. सरकार म्हणाले, ही फसवणूक करणार्‍यांचे हे कृत्य आहे. अशा टेलीकॉलर्सला ओटीपी आणि आपली वैयक्तिक माहिती देऊ नका.
पीबीआय फॅक्ट चेकने आपल्या ट्विटमध्ये ही माहिती दिली आहे. जगातील सर्वात मोठी असलेली लसीकरण मोहिम 16 जानेवारीपासून सुरू झाली आहे. आतापर्यंत देशातील कोरोना विषाणूविरूद्ध एकूण 15,37,190 लोकांना लस देण्यात आली आहे.
Co-WIN ऍप रजिस्ट्रेशनसाठी डॉक्यूटमेंट्स :- ज्येष्ठ नागरिकांसाठी लसीकरण कधी सुरू होईल, हे केंद्राने अद्याप स्पष्ट केले नाही. प्रत्येकासाठी Co-WIN ऍप सुरू झाल्यानंतर लोकांना स्व-नोंदणी करण्याची परवानगी देण्यात येईल. को-विन अ‍ॅपवर स्व-नोंदणीसाठी ड्रायव्हिंग लायसन्स,
पॅनकार्ड, बँक पासबुक, पासपोर्ट, पेन्शन कागदपत्रे, मनरेगा जॉब कार्ड, मतदार ओळखपत्र, खासदार / आमदार / एमएलसी यांची अधिकृत ओळखपत्र, शासनाने दिलेली सेवा कार्ड व आरोग्य विमा , कामगार मंत्रालयाने जारी केलेले स्मार्टकार्ड अशी कागदपत्रे आवश्यक असतील.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved
