चिचोंडी पाटील : पाचपुते व माझे काही गैरसमज होते, पण आम्ही आता एकत्र आलो आहोत. त्यामुळे कार्यकर्त्यांनी निवडणुकीत पाचपुते व विजय औटी यांचेच काम करावे अन्यथा माझ्या घराचे दरवाज़े कार्यकर्त्यांना कायमचे बंद होतील, अशी तंबी आमदार शिवाज़ीराव कर्डिले यांनी कार्यकर्त्यांना दिली आहे.
बुऱ्हाणनगर येथे नगर , पारनेर व श्रीगोंदा, नगर मतदारसंघात येणाऱ्या नगर तालुक्यातील कार्यकर्त्यांच्या बैठकीत ते बोलत होते. या बैठकीस खासदार सुजय विखे, बबनराव पाचपुते, विजय औटी उपस्थित होते.
या वेळी सुजय विखे म्हणाले की, नगर तालुक्यावर श्रीगोंदा व पारनेरचा निकाल अवलंबून आहे. काही ठिकाणी अफवांचे पीक आले आह, त्याकडे दुर्लक्ष करा.
राहुरीची चिंता करू नका, राहुरीत मी व कर्डिले एकत्र असल्याने कोणाचीही डाळ शिजणे शक्य नाही. या वेळी पाचपुते यांनी, झाले गेले सगळे विसरून जा, माझे काही चुकले असेल तर मला माफ करण्याची विनंती केली. या वेळी औटी यांनी, काही कार्यकर्ते प्रचारात दिसत नसल्याची खंत व्यक्त करून ते कुणासाठी थांबले आहेत, असा प्रश्न उपस्थित केला.
या वेळी सर्वश्री: हरिभाऊ कर्डिले, रवींद्र कडूस, विलास शिंदे, अभिलाष घीगे, रेवणनाथ चोभे, संतोष म्हस्के, रावसाहेब साठे, शरद दळवी, दिलीप भालसिंग, दीपक कार्ले, शिवाजी कार्ले आदी उपस्थित होते.
- भारतातील पहिली हायड्रोजन ट्रेन ‘या’ मार्गावर धावणार ! कसा असणार 89 किलोमीटरचा रूट ? तिकीट फक्त 5 रुपयांपासून सुरु
- 8व्या वेतन आयोगा आधीच सरकारी कर्मचाऱ्यांचा पगार वाढणार ! 2026 मध्ये पगारात किती वाढ होणार ?
- एसबीआयच्या ग्राहकांसाठी महत्वाची बातमी; ‘या’ नियमात पुन्हा एकदा मोठा बदल, बँकेत जाण्याआधी नक्कीच वाचा
- शिक्षकांसाठी महत्त्वाची बातमी ! सुप्रीम कोर्टाच्या TET सक्तीच्या आदेशानंतर केंद्र सरकारने घेतला ‘हा’ निर्णय, शिक्षकांना दिलासा….
- अहिल्यानगरात विकासाचा नवा निर्धार ! भाजपा राष्ट्रवादी युतीच्या प्रचार रॅलीला प्रचंड प्रतिसाद; शहर दुमदुमले
