अहमदनगर Live24 टीम, 13 डिसेंबर 2020 :-नगर शहर व जिल्ह्यात कोरोनामुळे आणखी दोन जणांचा मृत्यू झाला. नवे २३२ पॉझिटिव्ह रुग्ण आढळून आले.
दिवसभरात ३०७ रुग्णांना घरी सोडण्यात आले आहे. आता बरे झालेल्या रुग्णांची एकूण संख्या ६३ हजार ९१९ इतकी झाली आहे. रुग्ण बरे होण्याचे जिल्ह्यातील प्रमाण हे आता ९६.५१ टक्के इतके झाले आहे.
नगर शहर व जिल्ह्यात शुक्रवारी सायंकाळी सहा वाजेपासून शनिवार सायंकाळी सहा वाजेपर्यंत रुग्ण संख्येत २३२ ने वाढ झाली. यामुळे उपचार सुरू असणाऱ्या रुग्णांची संख्या आता १ हजार ३३८ इतकी झाली आहे. आणखी दोन जणांचा मृत्यू झाला आहे. आता कोरोना बळीची संख्या ९७६ झाली आहे.
जिल्हा रुग्णालयाच्या कोरोना टेस्ट लॅब मध्ये ७४, खासगी प्रयोगशाळेत केलेल्या तपासणीत ७८ आणि अँटीजेन चाचणीत ८० रुग्ण बाधित आढळले. जिल्हा रुग्णालयाच्या कोरोना टेस्ट लॅबमध्ये बाधित आढळून आलेल्या रुग्णांमध्ये मनपा २३, कोपरगाव ४, नगर ग्रामीण १९, नेवासे ९, पारनेर ८, पाथर्डी ३, राहाता १, संगमनेर १, शेवगाव २, श्रीरामपूर ०४ अशा रुग्णांचा समावेश आहे.
खासगी प्रयोगशाळेत केलेल्या तपासणीत बाधित आढळून आलेल्या रुग्णांमध्ये मनपा २९, अकोले ३, नगर ग्रामीण ६, नेवासे ४, पारनेर ५, राहाता ४, राहुरी ७, संगमनेर १७, श्रीरामपूर ३ अशा रुग्णांचा समावेश आहे. अँटीजेन चाचणीत ८० जण बाधित आढळून आले. यामध्ये, मनपा २, अकोले २, जामखेड २, कर्जत ७, कोपरगाव १०, नगर ग्रामीण १, नेवासे ४, पारनेर ७, पाथर्डी ४, राहाता ९, राहुरी १, संगमनेर १६, शेवगाव १४, श्रीगोंदे १ अशा रुग्णांचा समावेश आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com
