अहमदनगर Live24 टीम, 06 डिसेंबर 2020 :-संगमनेर तालुक्यातील समनापूरच्या रुक्मिणी पेट्रोल पंपावर पेट्रोल कमी टाकल्यावरून पेट्रोल पंप कर्मचाऱ्यास मारहाण केली. ही घटना शुक्रवारी सायंकाळी घडली.
याप्रकरणी पेट्रोलपंपाचे व्यवस्थापक यांच्या फिर्यादीवरून ६ जणांवर शहर पोलिसांनी गुन्हा दाखल केला. संदीप गुंजाळ हा दुचाकीत पेट्रोल टाकण्यासाठी पंपावर आला.
पेट्रोल कमी पडल्याने त्याने कर्मचारी शकील शेख याच्याबरोबर वाद घातले. गुंजाळचे जोडीदारांनी शिवीगाळ करत शेखला मारहाण करत डोक्यात वजनदार वस्तू मारली. तो जखमी झाल्याने खासगी रुग्णालयात दाखल केले.
समनापूर येथील पेट्रोल पंपाचे व्यवस्थापक रवींद्र मुंगसे यांच्या फिर्यादीवरून संदीप गुंजाळ व त्याच्या पाच जोडीदारांवर संगमनेर शहर पोलिस ठाण्यात गुन्हा दाखल केला आहे. याप्रकरणाचा पुढील तपास पोलिस नाईक नीलेश धादवड करीत आहेत.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
