अहमदनगर Live24 टीम, 23 नोव्हेंबर 2020 :- कोरोनाच्या काळात अहोरात्र झटणाऱ्या व शहराची साफसफाईची मोहीम आपली खांद्यावर घेणारे मनपाचे सफाई कर्मचाऱ्यास मारहाण झाल्याची घटना शहरात घडली आहे.
दरम्यान पालीकेच्या या महिला सफाई कर्मचार्‍यास हॉकी स्टिकने मारहाण करण्यात आली आहे. या हल्ल्यात जखमी झालेल्या या महिलेला जिल्हा शासकीय रुग्णालयात उपचारासाठी दाखल करण्यात आले आहे, अशी माहिती मनपा कर्मचारी युनियनचे अध्यक्ष अनंत लोखंडे यांनी दिली.
बालिकाश्रम रस्त्यावरील कवडे मळा भागात ही घटना घडली. दरम्यान, जखमी महिलेचा जबाब नोंदविण्याचे काम तोफखाना पोलिसांकडून सुरू होते. पोलीस ठाण्यात गुन्हा दाखल झाला नव्हता. महापालिका कामगार युनियनने या घटनेचा निषेध करत संबंधित भागातील सफाईचे कामकाज तात्काळ बंद केले.
महापालिका आयुक्त श्रीकांत मायकलवार यांना याबाबत कळविण्यात आले असून त्यांची भेट घेऊन संबंधित व्यक्तीवर तातडीने कारवाई करण्यात यावी अशी मागणी केली आहे.
मारहाण झालेल्या महिलेच्या मुलाने यात हस्तक्षेप केल्यानंतर त्यासही मारहाण करण्यात आली असल्याची माहिती समजली. मारहाणीनंतर या भागातील सफाईचे काम लगेच बंद करण्यात आले, तर आरोपीस अटक न झाल्यास शहरातील सर्वच स्वच्छतेचे कामकाज बंद करण्याचा इशारा लोखंडे यांनी दिला आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
