अहमदनगर Live24 टीम, 17 जानेवारी 2021 :- यशस्विनी महिला ब्रिगेडच्या अध्यक्षा रेखा जरे यांच्या हत्याकांडातील पसार मुख्य सूत्रधार पत्रकार बाळ बोठे याने मुंबई उच्च न्यायालयाच्या औरंगाबाद खंडपीठात अटकपूर्व जामीनासाठी अर्ज दाखल केला आहे.
या अर्जावर उद्या (सोमवार) सुनावणी होणार आहे. न्यायमूर्ती मंगेश कुलकर्णी यांच्यासमोर ही सुनावणी होणार आहे. दरम्यान 30 नोव्हेंबरला पारनेर तालुक्यातील जातेगाव घाटात जरे यांची गळा चिरून हत्या करण्यात आली होती.
याप्रकरणी पोलिसांनी पाच आरोपींना अटक केली असून या प्रकरणातील मुख्य संशयित आरोपी बाळ बोठे गे;या अनेक दिवसांपासून फरार आहे. हत्या झाल्यानंतर बोठे पसार झाला आहे.
दीड महिन्यापासून बोठे पोलिसांना गुंगारा देत आहे. परंतू, तो मिळून आलेला नाही. त्याच्या शोधासाठी पोलिसांनी जिल्ह्यासह बाहेरच्या जिल्ह्यात छापे टाकले. पोलिसांनी त्याच्याविरूद्ध भक्कम पुरावे गोळा केले आहेत.
पोलिसांनी बोठे विरोधात पारनेर न्यायालयाकडून स्टँडिंग वॉरंट मंजूर करून घेतले असून हे वॉरंट राज्यातील पोलीस ठाण्यात पाठविले आहे.
बोठे याचा अटकपूर्व जामीन अर्ज जिल्हा न्यायालयाने फेटाळला आहे. यानंतर त्याने औरंगाबाद खंडपीठात अटकपूर्वसाठी अर्ज दाखल केला आहे. यावर आता उद्या (सोमवार) सुनावणी होणार आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved
